అక్కడి చెత్త ఇక్కడికి వద్దు
ABN , First Publish Date - 2021-02-27T05:33:11+05:30 IST
పార్వతీపురం పట్టణ డంపింగ్‌యార్డులోని చెత్తను మండలంలోని అర్తాం గ్రామ సమీపంలో ఉన్న పంట పొలాలకు తరలించే ప్రయ త్నాన్ని గ్రామస్థులు వ్యతిరేకించారు
పార్వతీపురం డంపింగ్‌ యార్డు లారీల అడ్డగింత
కొమరాడ, ఫిబ్రవరి 26: పార్వతీపురం పట్టణ డంపింగ్‌యార్డులోని చెత్తను మండలంలోని అర్తాం గ్రామ సమీపంలో ఉన్న పంట పొలాలకు తరలించే ప్రయ త్నాన్ని గ్రామస్థులు వ్యతిరేకించారు. శుక్రవారం డంపింగ్‌ యార్డులో చెత్తను లోడ్‌ చేసుకుని వచ్చిన లారీలను అర్తాం గ్రామ సమీపంలో అడ్డుకున్నారు. అక్కడి వ్యర్థా లను మా ప్రాంతంలో ఎలా పారబోస్తారని నిలదీశారు. చెత్తను తరలించడం లేదని, డంపింగ్‌ యార్డులో ఎరువుగా తయారైంది మాత్రమే పొలంలో వేసేందుకు తరలిస్తున్నట్లు చెప్పినప్పటికీ ప్రజలు ఒప్పుకోలేదు. పొలంలో ఎరువుగా విని యోగించినా అక్కడ నుంచి వచ్చే దుర్వాసన భరించలేమని, దయ చేసి పొలంలో ఎరువుగా కూడా వాడకుండా చూడాలని ప్రజలు కోరారు. ప్రజలు అడ్డుకోవడంతో చెత్తను తరలించే ప్రయత్నాన్ని మున్సిపల్‌ అధికారులు విరమించుకున్నారు. దీనిపై పార్వతీపురం మున్సిపల్‌ కమిషనర్‌ కనకమహలక్ష్మిని వివరణ కోరగా డంపింగ్‌ యార్డును ఎక్కడకూ తరలించడం లేదని, అందులో ఉన్న ఎరువు(చెత్త)ను మా త్రం రైతుల ఉపయోగం కోసం అర్తాం తరలిస్తున్నట్లు చెప్పారు. అయితే అక్కడ ప్రజలు అడ్డుకోవడంతో తాత్కాలికంగా ఈ ప్రక్రియ నిలిపివేసినట్లు ఆమె తెలిపారు.
