Advertisement
Advertisement
Latest Telugu News
Advertisement
Published: Sun, 03 Jul 2022 11:05:37 IST

Viral News: అంగరంగ వైభవంగా శునకాల వివాహం.. 400 మంది హాజరు.. ఈ పెళ్లిపై పురోహితుడు ఏమన్నాడంటే!

twitter-iconwatsapp-iconfb-icon
Viral News: అంగరంగ వైభవంగా శునకాల వివాహం.. 400 మంది హాజరు.. ఈ పెళ్లిపై పురోహితుడు ఏమన్నాడంటే!

ఇంటర్నెట్ డెస్క్: శునకాల వివాహానికి సంబంధించిన ఓ వార్త సోషల్ మీడియాలో తెగ వైరల్ అవుతోంది. ఇక్కడ ఆశ్చర్యకరమైన విషయం ఏంటంటే.. ఆ పెళ్లి వేడుకను చూసేందుకు పెద్ద ఎత్తున జనం తరలివెళ్లారు. దాదాపు 400 మంది ప్రజలు ఆ వివాహ వేడుకలో పాల్గొన్నారు. ‘ఏంటీ.. శునకాలకు పెళ్లి చేయడమే ఒక షాకింగ్ న్యూస్ అనుకుంటే.. ఆ వివాహనికి 400 మంది హాజరయ్యారా’ అని ఆశ్చర్యపోతున్నారా? అవును.. నమ్మశక్యం కానప్పటికీ ఇది నిజం. ఇంతకూ ఈ వివాహం ఎక్కడ జరిగింది అనే పూర్తి వివరాల్లోకి వెళితే..


బిహార్‌లోని మోతీహరి ప్రాంతానికి చెందిన నరేష్ సాహ్నీ దంపతులు.. వారి ఇంట్లో రెండు శునకాలను పెంచుకుంటున్నారు. కళ్లు, బసంతి అని పిలుచుకుంటూ.. కుటుంబ సభ్యులుగా వాటిని చూసుకుంటున్నారు. ఈ నేపథ్యంలో తాజాగా ఆ దంపతులు కీలక నిర్ణయం తీసుకున్నారు. ఆ రెండు శునకాలకు సంప్రదాయం ప్రకారం ఘనంగా వివాహం జరిపించాలని డిసైడ్ అయ్యారు. ఇందులో భాగంగానే.. అందుకోసం ఏర్పాట్లు చేశారు. పురోహితుడి ఆధ్వర్యంలో హిందూ సంప్రదాయం ప్రకారం ఘనంగా వివాహం జరిపించారు. ఈ పెళ్లి వేడుకకు దాదాపు 400 మంది అతిథులు హాజరయ్యారు. అంతేకాకుండా వాటికి కానుకలను కూడా సమర్పించి.. వివాహ భోజనాన్ని ఆరగించారు. తర్వాత అక్కడ ఏర్పాటు చేసిన డీజే పాటలకు స్టెప్పులేసి మరీ.. తమ ఆనందాన్ని వ్యక్తం చేశారు. 


ఈ సందర్భంగా వివాహాన్ని జరిపించిన పురోహితుడు మాట్లాడుతూ.. శునకాలను కాలభైరవుడి స్వరూపాలుగా భావించిన పెళ్లి జరిపించినట్టు పేర్కొన్నారు. ఈ వివాహం వల్ల మనసులోని కోరికలు నెరవేరుతాయని వెల్లడించారు. ఇదిలా ఉంటే.. నరేష్ సాహ్నీ మాట్లాడుతూ.. చిన్నప్పటి నుంచి ఈ రెండు శునకాల తమ వద్దే కలిసి పెరిగాయని చెప్పారు. కలిసి పెరిగిన వాటిని పెళ్లి బంధంతో ఒకటి చేయాలనే ఉద్దేశంతో వివాహం జరిపించినట్టు వివరించారు. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.