Abn logo
Apr 7 2020 @ 09:08AM

చేయి దూరంలో...

ఆంధ్రజ్యోతి(07-04-2020)

కరోనా వేగంగా వ్యాపిస్తోన్న నేపథ్యంలో ప్రతి 20 నిమిషాలకు ఓసారి చేతులు కడుక్కోమని వైద్యులు చెబుతున్నారు. అయితే చేతులు కడుక్కోవడంతో పాటు ముఖంలోని కళ్లు, ముక్కు లాంటి  శరీర భాగాలను తరచూ తాకకుండా చూసుకోవడమే వైరస్‌ను అడ్డుకోవటానికి ఉత్తమ మార్గం. ఇదే విషయాన్ని గతంలో జరిగిన పలు పరిశోధనలు వెల్లడించాయి. 


 ఆస్ట్రేలియాలో 26 మంది వైద్య విద్యార్థుల మీద జరిపిన పరిశోధనలో ఆసక్తికరమైన విషయాలు వెల్లడయ్యాయి. గంటకు సుమారు 23 సార్లు మనం చేతులతో ముఖంలోని పలు భాగాలను తాకుతామని అందులో వెల్లడైంది. గంట వ్యవధిలో గడ్డం, కణత, చెక్కిళ్లు, పెదవులను నాలుగుసార్లు... ముక్కు, నుదురును మూడు సార్లు... చెవులను ఒకసారి చొప్పున తాకారు. కరోనా సులువుగా శరీరంలోకి ప్రవేశించే అవకాశం ఉన్న నోరు, కళ్లు, ముక్కు భాగాలను ఎక్కువసార్లు తాకినట్టు వెల్లడైంది.