‘ఇ-పాస్’ వ్యవస్థను రద్దు చేయాలి: స్టాలిన్

చెన్నై: ఏఐఏడీఎంకే ప్రభుత్వంపై డీఎంకే అధ్యక్షుడు స్టాలిన్ విమర్శలు గుప్పించారు. తమిళనాడు రాష్ట్రంలో అమలు చేస్తున్న ‘ఇ-పాస్’ వ్యవస్థను రద్దు చేయాలని డీఎంకే అధ్యక్షుడు స్టాలిన్ ప్రభుత్వాన్ని డిమాండ్ చేశారు. ప్రజల ప్రయాణానికి “కృత్రిమ అవరోధం” సృష్టించవద్దని స్టాలిన్ గురువారం తమిళనాడు ప్రభుత్వాన్ని కోరారు. అంతర్-జిల్లా ప్రయాణానికి ఇ-పాస్ వ్యవస్థను వెంటనే రద్దు చేయాలని డిమాండ్ చేశారు. వైద్య అత్యవసర పరిస్థితులు, మరణాలు మరియు వివాహాలకు అంతర్-జిల్లా ప్రయాణానికి అనుమతి ఇస్తామని ప్రభుత్వం చెప్పినప్పటికీ, అత్యవసర పరిస్థితుల కోసం ఇ- పాస్‌ల దరఖాస్తులు చాలాసార్లు తిరస్కరించబడ్డాయని విమర్శించారు. ఏఐఏడీఎంకే ప్రభుత్వం ఇ-పాస్ అమలు చేయడంలో పెద్ద వైఫల్యం చెందిందని స్టాలిన్ మండిపడ్డారు.