Abn logo
Mar 29 2020 @ 22:01PM

విమాన సిబ్బందికి ఆ పరీక్షలు బంద్!

న్యూఢిల్లీ: విమానంలో ప్రయాణించే సిబ్బందికి చేసే బ్రీత్ ఎనలైజర్ పరీక్షలను తాత్కాలికంగా రద్దు చేస్తున్నట్లు డీజీసీఏ(డైరెక్టర్ జనరల్ ఆఫ్ సివిల్ ఏవియేషన్) సంస్థ ప్రకటించింది. ఆదివారం మధ్యాహ్నం స్పైస్‌జెట్ సంస్థకు చెందిన ఓ పైలట్‌కు కరోనా ఉన్నట్లు తెలిసింది. దీంతో ఎయిర్ ఇండియా యూనియన్ చేసిన విన్నపం మేరకే డీజీసీఏ ఈ నిర్ణయం తీసుకుంది. విదేశీ ప్రయాణం చేయని స్పైస్‌జెట్ పైలట్‌కు కరోనా సోకిందని, ఇటువంటి సమయంలో బ్రీత్ ఎనలైజర్ టెస్టుల వల్ల ఇతర సిబ్బందికి కూడా కరోనా సోకే ప్రమాదముందని ఎయిరిండియా యూనియన్ తెలిపింది. దీంతో ప్రస్తుత విపత్కర పరిస్థితులను పరిగణనలోకి తీసుకొని బ్రీత్ ఎనలైజర్ పరీక్షలు నిలిపివేస్తున్నట్లు డీజీసీఏ పేర్కొంది. అయితే విమాన సిబ్బంది అందరూ తాము మద్యంతోపాటు నిషేధించిన ఎటువంటి మత్తుపదార్థాలూ తీసుకేలేదంటూ ఓ పత్రం సమర్పించాల్సి ఉంటుంది. ఈ నిబంధనలు ఉల్లంఘిస్తే సదరు ఉద్యోగి లైసెన్సును మూడేళ్ల పాటు రద్దు చేసే అవకాశం ఉన్నట్లు డీజీసీఏ పేర్కొంది.

Advertisement
Advertisement
Advertisement