రాత్రివేళ పోలీస్ స్టేషన్లో చెకింగ్... మద్యం దొరికితే కఠిన చర్యలు!
ABN , First Publish Date - 2021-08-16T11:45:25+05:30 IST
పోలీస్ స్టేషన్లో మద్యం తాగారన్న ఆరోపణలపై...
న్యూఢిల్లీ: పోలీస్ స్టేషన్లో మద్యం తాగారన్న ఆరోపణలపై ఢిల్లీలోని విజయ్ విహార్ పోలీస్ స్టేషన్కు చెందిన స్టేషన్ హౌస్ ఆఫీసర్(ఎస్హెచ్ఓ)ను సస్పెండ్ చేయడంతో పాటు వెస్ట్ డీసీపీ నూతన ఆదేశాలు జారీ చేశారు. ఇకపై వెస్ట్ ఢిల్లీలోని ప్రతీ పోలీస్స్టేషన్లోని అధికారుల గదులను చెక్ చేస్తామని తెలిపారు. ఒకవేళ ఏ అధికారి గదిలోనైనా మద్యం బాటిల్ కనిపిస్తే అతనిపై కఠిన చర్యలు చేపడతామని హెచ్చరించారు. అలాగే స్టేషన్లలో రాత్రిళ్లు విధులు నిర్వహించే అధికారులు ఎవరైనా మద్యం మత్తులో కనిపించినా వారిపై చర్యలు చేపడతామని తెలిపారు. విజయ్ విహార్ పోలీస్ స్టేషన్ ఎస్హెచ్ఓ మద్యం మత్తులో అధికారులకు దొరికిన నేపధ్యంలో వెస్ట్ డీసీపీ ఈ నిర్ణయం తీసుకున్నారు.