Advertisement
Advertisement
Latest Telugu News
Advertisement
Published: Wed, 19 Jan 2022 20:47:02 IST

ఎర్ర కోట సందర్శనకు అనుమతి లేదు : ఢిల్లీ పోలీసులు

twitter-iconwatsapp-iconfb-icon
ఎర్ర కోట సందర్శనకు అనుమతి లేదు : ఢిల్లీ పోలీసులు

న్యూఢిల్లీ : గణతంత్ర దినోత్సవాల సందర్భంగా భద్రతా కారణాల రీత్యా ఈ నెల 22 నుంచి 26 వరకు సందర్శకులను ఎర్ర కోటకు అనుమతించబోమని ఢిల్లీ పోలీసులు ప్రకటించారు. ఈ ఉత్సవాల కోసం మూడు అంచెల భద్రతా వ్యవస్థను ఏర్పాటు చేయనున్నట్లు తెలిపారు. జాతీయ ప్రాధాన్యంగల కార్యక్రమాలు జరిగే సమయంలో ఉగ్రవాద చర్యలను నిరోధించేందుకు ఎల్లవేళలా అప్రమత్తంగా ఉంటామని తెలిపింది. పోలీసులు బుధవారం ఓ ట్వీట్  ద్వారా ఈ వివరాలను వెల్లడించారు.


నేతాజీ సుభాశ్ చంద్రబోస్‌ జయంతి అయిన జనవరి 23 నుంచి గణతంత్ర దినోత్సవాలు ప్రారంభమవుతాయి. జనవరి 26 వరకు ఈ ఉత్సవాలు జరుగుతాయి. ఈ సందర్భంగా ఢిల్లీ విమానాశ్రయంలో విమానాల రాకపోకలపై ఆంక్షలు విధించారు. ఛార్టర్ ఫ్లైట్స్, నాన్ షెడ్యూల్డ్ ఫ్లైట్స్‌పై ఆంక్షలు విధించినట్లు భారత విమానాశ్రయాల సంస్థ ప్రకటించింది. జనవరి 24 వరకు ఉదయం 10.15 గంటల నుంచి మధ్యాహ్నం 1.15 గంటల వరకు ఈ ఫ్లైట్స్‌  రాకపోకలకు అనుమతి లేదని తెలిపింది. జనవరి 26న ఉదయం 7 గంటల నుంచి మధ్యాహ్నం 1 గంట వరకు, మధ్యాహ్నం 2 గంటల నుంచి సాయంత్రం 6.30 గంటల వరకు ఈ ఫ్లైట్స్‌‌ రాకపోకలను అనుమతించబోమని తెలిపింది. జనవరి 29న బీటింగ్ రిట్రీట్ నిర్వహిస్తారు. కాబట్టి ఆ రోజు మధ్యాహ్నం 4 గంటల నుంచి 7 గంటల వరకు ఢిల్లీ విమానాశ్రయం నుంచి ఈ ఫ్లైట్స్‌ రాకపోకలను అనుమతించబోమని తెలిపింది. 


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.