Abn logo
Oct 25 2021 @ 01:38AM

ఫ్రిజ్‌లో ఐస్‌ పేరుకుపోతోందా..!

ఇలా చేయండి!

డీప్‌ ఫ్రిజ్‌లో ఐస్‌ గడ్డలుగా పేరుకుపోతుండటం సాధారణంగా చూస్తుంటాం. ఈ సమస్యను పోవాలంటే వీలైనంత తక్కువగా ఫ్రిజ్‌ను తెరవాలి. ఎందుకంటే ఫ్రిజ్‌ను తెరిచినప్పుడల్లా చల్లటిగాలి బయటకు పోయి, బయటి గాలి లోపలకు ప్రవేశిస్తుంది. ఈ వేడిగాలిలో ఉన్న తేమ ఫ్రిజ్‌లో ఐస్‌ గడ్డలు ఫామ్‌ కావడానికి కారణమవుతుంది. అలాగే వేడిగా ఉన్న పదార్థాలను ఫ్రిజ్‌లో పెట్టకూడదు. గది ఉష్ణోగ్రతకు చల్లారిన తరువాతే ఫ్రిజ్‌లో పెట్టాలి. ఫ్రిజ్‌లో ఉష్ణోగ్రత -18 డిగ్రీలు ఉండేలా చూసుకోవాలి. ఫ్రిజ్‌లో ఎక్కువ ఖాళీ లేకుండా చూసుకోవాలి. పదార్థాలతో కూడిన బాస్కెట్లను నీట్‌గా అమర్చితే ఐస్‌ తయారవ్వకుండా ఉంటుంది. ఖాళీ ప్రదేశం ఉంటే ఐస్‌ తయారు కావడానికి ఆస్కారం ఉంటుంది.