Chitrajyothy Logo
Advertisement
Published: Mon, 17 Jan 2022 00:57:33 IST

దాసరి జీవిత సంఘటనలతో దర్శకరత్న

twitter-iconwatsapp-iconfb-icon
దాసరి జీవిత సంఘటనలతో దర్శకరత్న

బహుముఖ ప్రజ్ఞాశాలిగా, అందరివాడుగా పేరొందిన దివంగత దర్శకుడు దాసరి నారాయణరావు జీవితంలోని కొన్ని సంఘటనల సమాహారంగా ‘దర్శకరత్న’ పేరుతో ఓ సినిమా తీయనున్నట్లు నిర్మాత తాడివాక రమేశ్‌నాయుడు ప్రకటించారు. సీనియర్‌ దర్శకుడు, దాసరికి అత్యంత సన్నిహితుడు ధవళ సత్యం ఈ చిత్రానికి దర్శకత్వం వహించనున్నారు. ఇటీవల హైదరాబాద్‌లో ఏర్పాటు చేసిన ప్రెస్‌మీట్‌లో దర్శకుడు ధవళ సత్యం మాట్లాడుతూ ‘దాసరిగారితో నాకున్న అనుబంధం ఈ చిత్రం తీయడానికి పురికొల్పింది. ఆయన జీవితంలో నేను చూసిన సంఘటనలతో పాటు, ఆయనతో అనుబంధం కలిగిన అనేకమందిని సంప్రదించి, ఈ చిత్రం స్ర్కిప్ట్‌ తయారు చేస్తాం. దాసరిగారంటే ఎంతో అభిమానం కలిగిన నిర్మాత తాడివాక రమేశ్‌ నాయుడు ఈ చిత్రం తీయడానికి ముందుకు రావడం అభినందనీయం. ‘దర్శకరత్న’ను ఒక గొప్ప చిత్రంగా రూపొందించాలని మా ప్రయత్నం’ అన్నారు. నిర్మాత రమేశ్‌నాయుడు మాట్లాడుతూ ‘జాతీయ స్థాయి నటుడు ఈ చిత్రంలో దాసరి పాత్ర పోషిస్తారు. అలాగే దాసరి పద్మ పాత్రను కూడా గుర్తింపు కలిగిన నటి పోషిస్తారు. తెలుగు, తమిళ, హిందీ భాషల్లో చిత్రాన్ని విడుదల చేస్తాం. ఎక్కడా రాజీపడకుండా సినిమా తీస్తాం’ అని తెలిపారు. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International