విద్యార్థిని స్కూలు బ్యాగులో ఏదో కదలిక... జిప్ తీసిన ఉపాధ్యాయుడు ఒక్క ఉదుటన వెనక్కు జరిగాడు... కారణమిదే!
ABN , First Publish Date - 2022-09-25T15:36:20+05:30 IST
వర్షాకాలంలో పాములు, తేళ్లు మొదలైనవి...
వర్షాకాలంలో పాములు, తేళ్లు మొదలైనవి ఇళ్లలోనికి ప్రవేశిస్తుంటాయి. అవి ఏదో మూలన నక్కి ఉంటాయి. అవి బయటకు వచ్చి, ఇంట్లోనివారిని బెంబేలెత్తిస్తుంటాయి. ఈ కోవలోని వచ్చే ఒక వీడియో ఇప్పుడు సోషల్ మీడియాలో హల్‌చల్ చేస్తోంది. ఒక స్కూలు విద్యార్థిని బ్యాగులో ఏదో కదులుతోంది. అది ఏమిటో చూద్దామని బ్యాగు జిప్ తీసి చూసిన ఉపాధ్యాయునికి ప్రాణాలు పోయినంత పనయ్యింది.
సోషల్ మీడియాలో వైరల్ అవుతున్న ఈ వీడియో @Karan4BJP అనే ట్విట్టర్ అకౌంట్‌లో షేర్ అయ్యింది. ఈ వీడియో మధ్యప్రదేశ్‌లోని దతియా జిల్లాకు చెందినదిగా తెలుస్తోంది. ఒక విద్యార్థిని స్కూలుకు రాగానే బ్యాగులో ఏదో కదులుతున్నట్లు ఆమెకు అనిపించింది. వెంటనే ఆ విషయాన్ని ఆమె ఒక ఉపాధ్యాయునికి తెలియజేసింది. దీంతో ఆ ఉపాధ్యాయుడు ఆ బ్యాగును బయటకు తీసుకువచ్చి, జాగ్రత్తగా ఓపెన్ చేశారు. లోపల ఏముందో చూడగానే అతనికి ప్రాణాలు పోయినంత పనయ్యింది. ఒకపాము ఆ బ్యాగులో నక్కివుంది. అతికష్టం మీద ఆ ఉపాధ్యాయుడు ఆ పామును బయటకు వెళ్లగొట్టారు. ఒక నిముషం 34 సెకెన్లున్న ఈ వీడియోను చూసిన వారంతా ఆ పామును చూసి ‘అయ్యబాబోయ్’ అనుకుంటున్నారు.
