పాలకుల అనాలోచిత నిర్ణయాలతో ప్రమాదం
ABN , First Publish Date - 2021-12-09T06:09:56+05:30 IST
పాలకుల అనాలోచిత నిర్ణయాల వలన దేశానికి తీవ్ర ప్రమాదమని ఉక్కు పరిరక్షణ పోరాట కమిటీ నాయకుడు వైటీ దాసు అన్నారు. కూర్మన్నపాలెంలో ఉక్కు ఉద్యోగులు చేపట్టిన రిలే నిరాహార దీక్షలు 300వ రోజు కొనసాగాయి.
కూర్మన్నపాలెం, డిసెంబరు 8: పాలకుల అనాలోచిత నిర్ణయాల వలన దేశానికి తీవ్ర ప్రమాదమని ఉక్కు పరిరక్షణ పోరాట కమిటీ నాయకుడు వైటీ దాసు అన్నారు. కూర్మన్నపాలెంలో ఉక్కు ఉద్యోగులు చేపట్టిన రిలే నిరాహార దీక్షలు 300వ రోజు కొనసాగాయి. బుధవారం ఈ దీక్షలలో సింటర్‌ప్లాంట్‌ విభాగం ఉద్యోగులు కూర్చున్నారు. ఈ శిబిరంలో దాసు మాట్లాడుతూ బీజేపీ ప్రభుత్వం అన్ని రంగాలను నిర్వీర్యం చేస్తున్నదని ఆరోపించారు. ప్లాంట్‌ ప్రైవేటీకరణ నిర్ణయాన్ని కేంద్ర ప్రభుత్వం వెనక్కి తీసుకోవాలని డిమాండ్‌ చేశారు. నేడు కార్మిక వర్గం ఐక్యంగా పోరాడుతున్నదని, ఇదే పోరాట స్ఫూర్తితో ముందుకు సాగుతున్నామన్నారు. ఈ కార్యక్రమంలో పరిరక్షణ పోరాట కమిటీ నాయకులు ఎంఎస్‌వీ ఉమామహేశ్వరరావు, కేవీ సత్యనారాయణ, వెంకటేశ్వరరావు, పట్టా రమేశ్‌, రామారావు పాల్గొన్నారు.
