నివేశన స్థలం కోసం భూమి లాగేసుకున్నారు!

• తీవ్ర మనస్తాపంతో దళితుడు మృతి
• 
  

చిట్టమూరు, జూలై 13: దశాబ్దాలుగా తన సాగులో ఉన్న భూమిని ఇళ్ల స్థలాల  కోసమంటూ అధికారులు బలవంతంగా లాక్కోవడంతో మంచం పట్టిన ఓ వ్యక్తి ఆదివారం మృతి చెందాడు. బాధితుల కథనం మేరకు నెల్లూరు జిల్లా చిట్టమూరు మండలం మెట్టు గ్రామంలోని సర్వే నం.60-1బీలో సుమారు 50 సెంట్ల స్థలం 30 ఏళ్లుగా అదే గ్రామానికి చెందిన 8 మంది ఆధీనంలో ఉంది. నివేశన స్థలాల పట్టాల పంపిణీ పేరుతో ఆ భూమిని 13 దళితేతరులకు కట్టబెట్టేందుకు అధికారులు యత్నించారు. దళితులకు కూడా భూమిని పొందేందుకు అర్హత ఉన్నా, రాజకీయ నాయకుల స్వార్థ ప్రయోజనాల కోసం భూమిని లాక్కున్నారు. దీంతో మనస్తాపానికి గురైన ఉడత చిన్నయ్య (58) అనారోగ్యానికి గురై మృతి చెందాడు.