గ్రామాల్లో యథేచ్ఛగా దుకాణాలు

ఫోటో : 1 కోట 16 : కోటలోని ఫ్యాన్సీ స్టోర్‌లో  జనం 

కోట, మే 16 : మండలంలోని గ్రామాల్లో కర్ఫ్యూ నిబంధనలు అమలు కావడం లేదు. ఉదయం 6 నుంచి మధ్యాహ్నం 12 గంటల వరకు మాత్రమే దుకాణాలు తెరిచి ఉంచాలి. 12 గంటల తరువాత కర్ఫ్యూ అమలులోకి వస్తుంది. మొత్తం దుకాణాలు మూసివేయాలి.  కోట, విద్యానగర్‌లో దుకాణాలను మూస్తున్నా పరిసర గ్రామాల్లో కర్ఫ్యూ అమలు కావడం లేదు. వ్యాపారాలు సాగుతున్నాయి. ఉదయం 6 నుంచి మధ్యాహ్నం 12 గంటల సమయంలో కోట, విద్యానగర్‌లో కొన్ని దుకాణాల్లో అయితే యజమానులు, సరుకుల కోసం వచ్చే వినియోగదారులు మాస్క్‌లు కూడా ధరించడం లేదు. భౌతిక దూరం పాటించడం లేదు. తోసుకుంటూ సరుకులు కొనుగోలు చేస్తున్నారు. పోలీసులు మాత్రం నిబంధనలు పాటించాలని ఒక పక్క చెబుతున్నా అటు జనం, ఇటు వ్యాపారులు పట్టించుకోవడం లేదు.