పోలీస్ అధికారులకు మహిళలంటే అంత చులకనా?: రామకృష్ణ
ABN , First Publish Date - 2022-02-07T21:39:20+05:30 IST
పోలీస్ అధికారులకు మహిళలంటే అంత చులకనా?: రామకృష్ణ
విజయవాడ: నెల్లూరు పోలీస్ అధికారులకు మహిళలంటే అంత చులకనా? అని సీపీఐ రాష్ట్ర కార్యదర్శి కె రామకృష్ణ ప్రశ్నించారు. నెల్లూరు పోలీస్ గ్రౌండ్లో మహిళా పోలీసు యూనిఫామ్ కొలతలు తీసేందుకు మగ పోలీసులను వినియోగించటం దేనికి సంకేతమన్నారు. జిల్లా ఎస్పీ కూడా దీనిని సమర్థిస్తూ తప్పేముంది అన్నట్లు చెప్పినట్లు తెలుస్తోందన్నారు. పరిశీలనకు వెళ్లిన యువజన నాయకులను అరెస్టు చేయడాన్ని తీవ్రంగా ఖండిస్తున్నామన్నారు. సాక్షాత్తు రక్షకభటులే అసభ్యానికి ఆజ్యం పోస్తుంటే సభ్య సమాజంలో మహిళలకు రక్షణేదీ? అని ఆయన ప్రశ్నించారు. మహిళా పోలీసుల పట్ల నెల్లూరు జిల్లా పోలీసు అధికారుల వైఖరిని తప్పుబడుతున్నామన్నారు.