సామాజిక దూరమనేది కులాన్ని అవమానించడానికి వాడిన పదం: రామకృష్ణ

అమరావతి: కరోనా విజృంభిస్తున్న నేపథ్యంలో ప్రభుత్వ అధికారులు, మీడియా మాధ్యమాల వారు సామాజిక దూరం అనే పదాన్ని విరివిగా వాడుతున్నారని సీపీఐ రామకృష్ణ తెలిపారు. ఈ మేరకు ఆయన సీఎం జగన్‌కు లేఖ రాశారు. సామాజిక దూరం అనే పదం చాందసవాదులు కులాన్ని అవమానించడానికి వాడిన పదమని రామకృష్ణ పేర్కొన్నారు. 

సామాజిక దూరం అనే పదానికి బదులుగా భౌతిక దూరం అనే పదాన్ని ఉపయోగించాలని అన్ని ప్రభుత్వ శాఖలను ఆదేశించాలని ఆయన లేఖలో కోరారు. ఇకపై ప్రింట్, ఎలక్ట్రానిక్ మాధ్యమాలలో ఇచ్చే ప్రభుత్వ ప్రకటనలలో భౌతిక దూరం అనే పదాన్ని ఉపయోగించేందుకు చర్యలు చేపట్టాల్సిందిగా కోరుతున్నానని రామకృష్ణ తెలిపారు.