ప్రపంచవ్యాప్తంగా కోవిడ్-19 వ్యాక్సిన్స్ పంపిణి: చైనా కంపెనీ

బీజింగ్: కోవిడ్ -19 వ్యాక్సిన్‌ను ప్రపంచవ్యాప్తంగా పంపిణీ చేయాలని చైనీస్ కంపెనీ సన్నాహాలు చేస్తోంది. 2021 ప్రారంభంలో టీకా సిద్ధంగా ఉండాలని చైనీస్ కంపెనీ సినోవాక్ పేర్కొంది. 'కరోనావాక్' తన మూడవ, చివరి రౌండ్ మానవ పరీక్షలను పూర్తి చేయడానికి వేగవంతం అవుతోందని సినోవాక్ కంపెనీ సీఈవో యిన్ వీడాంగ్ తెలిపారు.

కోవిడ్ -19 వ్యాక్సిన్ 2021 ప్రారంభంలో అమెరికాతో సహా ప్రపంచవ్యాప్తంగా పంపిణీకి సిద్ధంగా ఉండాలన్నారు. పరీక్షలు విజయవంతమైతే, ఈ సంస్థ  అమెరికాలో విక్రయించడానికి యూఎస్ ఫుడ్ అండ్ డ్రగ్ అడ్మినిస్ట్రేషన్‌కు దరఖాస్తు చేస్తోందన్నారు. ప్రారంభంలో మా వ్యూహం చైనా, వుహాన్ కోసం రూపొందించబడిందని, జూన్, జూలైలో మేము మా వ్యూహాన్ని సర్దుబాటు చేశామని, అంటే ప్రపంచాన్ని ఎదుర్కోవాలి" అని యిన్ చెప్పారు.

యూఎస్, ఇయూ, ఇతరులతో సహా ప్రపంచానికి వ్యాక్సిన్ అందించడమే మా లక్ష్యమని యిన్ చెప్పారు. ముఖ్యంగా, యూఎస్, ఇయు, జపాన్,ఆస్ట్రేలియాలో కఠినమైన నిబంధనలు చారిత్రాత్మకంగా చైనీస్ వ్యాక్సిన్ల అమ్మకాన్ని నిరోధించాయి, కానీ ఒక మహమ్మారి నేపథ్యంలో అది మారవచ్చని కంపెనీ సీఈవో చెప్పారు.