ఢిల్లీలో కరోనా పరిస్థితి నియంత్రణలో ఉంది: సీఎం కేజ్రీవాల్
ABN , First Publish Date - 2020-08-09T22:24:59+05:30 IST
ఢిల్లీలో కరోనా పరిస్థితి నియంత్రణలో ఉంది: సీఎం కేజ్రీవాల్
న్యూఢిల్లీ: కరోనా వైరస్ వ్యాప్తి చెందకుండా ఢిల్లీ రాష్ట్ర ప్రభుత్వం కఠిన చర్యలు తీసుకుంటోంది. కరోనా కట్టడికి కఠిన చర్యలు తీసుకోవడం వల్లే ఢిల్లీలో కోవిడ్-19 పరిస్థితి అదుపులోకి వచ్చిందని ఢిల్లీ ముఖ్యమంత్రి అరవింద్ కేజ్రీవాల్ ప్రకటించారు. ఢిల్లీలో కోవిడ్ -19 పరిస్థితి అదుపులో ఉందని, రికవరీ రేటు మెరుగుపడుతోందని ముఖ్యమంత్రి అరవింద్ కేజ్రీవాల్ ఆదివారం అన్నారు. అంబేద్కర్ నగర్‌లోని ఒక ఆస్పత్రి ప్రారంభోత్సవంలో సీఎం మాట్లాడుతూ, పరిస్థితి అధ్వాన్నంగా మారినట్లయితే పరిష్కరించడానికి ప్రభుత్వం పూర్తి స్థాయిలో సిద్ధంగా ఉందని చెప్పారు.
