కొవిడ్‌ బాధితులు హోంఐసోలేషన్‌లోనే ఉండాలి
ABN , First Publish Date - 2020-09-22T06:24:40+05:30 IST
కొవిడ్‌ బాధితులు 17రోజుల పాటు తప్పనిసరిగా హోం ఐసోలేషన్‌లోనే ఉండాలని ఇన్‌చార్జి డీఎంహెచ్‌వో డాక్టర్‌
ఇన్‌చార్జి డీఎంహెచ్‌వో డాక్టర్‌ మదన్‌మోహన్‌రావు
హన్మకొండ అర్బన్‌, సెప్టెంబరు 16: కొవిడ్‌ బాధితులు 17రోజుల పాటు తప్పనిసరిగా హోం ఐసోలేషన్‌లోనే ఉండాలని ఇన్‌చార్జి డీఎంహెచ్‌వో డాక్టర్‌ మదన్‌మోహన్‌రావు బుధవారం ఒక ప్రకటనలో సూచించారు. కరోనా పాజిటివ్‌ వచ్చి హోంసోలేషన్‌లో చికిత్స పొందుతున్నవారు.. తమకు లక్షణాలు లేవని, తగ్గిపోయిందనే భ్రమలో షాపులు, ఇతర ప్రాంతాలకు, వాకింగ్‌కు వెళ్తున్నట్లు తమ దృష్టికి వచ్చిందని తెలిపారు.
ఇలా చేయడం వల్ల ఇతరులకు వైరస్‌ సోకే ప్రమాదముందని ఆయన హెచ్చరించారు. కరోనా రోగులను బయటకు వెళ్లకుండా చూడాల్సిన బాధ్యత వారి కుటుంబ సభ్యులపై ఉందని తెలిపారు. వైరస్‌ వ్యాపించకుండా ప్రతీఒక్కరు మాస్క్‌ ధరించి భౌతిక దూరం పాటించాలని తెలిపారు. వైద్యఆరోగ్యశాఖ నుంచి వైద్య సహాయం కావాల్సినవారు హెల్ప్‌లైన్‌నంబర్‌ 7993969104-180059944855, టెలీమెడిసిన్‌ కోసం 9392469344, 7995118405, 108సేవల ద్వారా ప్రతీరోజు ఉదయం 8 గంటల నుంచి సాయంత్రం 8 గంటల వరకు సలహాలు పొందవచ్చునని ఆయన వివరించారు.
