2021 జూలైలో ఒలింపిక్స్‌?
ABN , First Publish Date - 2020-03-30T09:49:52+05:30 IST
కరోనా వైరస్‌ కారణంగా వాయిదా పడిన ఒలింపిక్స్‌ను వచ్చే ఏడాది జూలైలో షెడ్యూల్‌ చేసే అవకాశం ఉంది. ప్రపంచ వ్యాప్తంగా కరోనా కోరలు చాచడంతో
టోక్యో: కరోనా వైరస్‌ కారణంగా వాయిదా పడిన ఒలింపిక్స్‌ను వచ్చే ఏడాది జూలైలో షెడ్యూల్‌ చేసే అవకాశం ఉంది. ప్రపంచ వ్యాప్తంగా కరోనా కోరలు చాచడంతో ఒలింపిక్స్‌-2020ను నిర్వహించలేని పరిస్థితి. దీంతో వచ్చే ఏడాదికి వాయిదా వేస్తూ అంతర్జాతీయ ఒలింపిక్‌ కమిటీ (ఐఓసీ), నిర్వాహక జపాన్‌ చారిత్రక నిర్ణయం తీసుకున్నాయి. అయితే, 2021, జూలై 23న విశ్వక్రీడలను ఆరంభించాలని ప్యానెల్‌ ప్రతిపాదించిందని జపాన్‌ మీడియా తెలిపింది. ఈ వారంలో ఒక నిర్ణయం తీసుకోనున్నట్టు టోక్యో మేయర్‌ యురికో కొయికి తెలిపారు.
