మాట తప్పడం.. మడమ తిప్పడం జగన్ దినచర్య: Tulasireddy
ABN , First Publish Date - 2022-03-22T18:01:47+05:30 IST
మాట తప్పడం..మడమ తిప్పడం సీఎం జగన్ దినచర్య అని ఏపీ కాంగ్రెస్ వర్కింగ్ ప్రెసిడెంట్ తులసి రెడ్డి వ్యాఖ్యలు చేశారు.
చిత్తూరు: మాట తప్పడం.. మడమ తిప్పడం సీఎం జగన్ దినచర్య అని ఏపీ కాంగ్రెస్ వర్కింగ్ ప్రెసిడెంట్ తులసి రెడ్డి వ్యాఖ్యలు చేశారు. మంగళవారం కుప్పంలో కాంగ్రెస్ పార్టీ డిజిటల్ సభ్యత్వం నమోదు కార్యక్రమంలో తులసిరెడ్డి పాల్గొన్నారు. ఈ సందర్భంగా ఆయన మాట్లాడుతూ... రాష్ట్రంలో అన్ని సీట్లకు కాంగ్రెస్ పార్టీ పోటీ చేస్తుందని తెలిపారు. అధికారంలోకి వస్తే ప్రత్యేక హోదా ఇచ్చే అవకాశం కాంగ్రెస్కు ఉందన్నారు. అన్ని వర్గాలు అన్ని రంగాలు అన్ని ప్రాంతాలను జగన్ నమ్మించి మోసం చేశారని ఆరోపించారు. ఉద్యోగాల భర్తీ, ప్రత్యేక హోదా జాబ్ క్యాలెండర్ అన్ని హామీలను పూర్తిగా విస్మరించారని మండిపడ్డారు. రాష్ట్రంలో ఖాళీగా ఉన్న 2 లక్షల 30 వేల ఉద్యోగాలు భర్తీ చేయాలని డిమాండ్ చేశారు. ప్రకటించిన జాబ్ క్యాలెండర్ ప్రకారం ఉద్యోగాలు వెంటనే రాష్ట్రం ప్రభుత్వం ఇవ్వాలన్నారు. జగన్ మోసాన్ని నిరుద్యోగ యువత గుర్తించి మేల్కోవాలని పిలుపునిచ్చారు. ఓటమి సహజం ఆత్మవిశ్వాసంతో ముందుకు వెళితే కాంగ్రెస్ విజయం రాష్ట్రంలో, దేశంలో తథ్యమని తులసిరెడ్డి స్పష్టం చేశారు.