ఇళ్ల నిర్మాణాలపై కలెక్టర్ అసంతృప్తి
ABN , First Publish Date - 2022-05-21T05:52:01+05:30 IST
జగనన్న కాలనీల లేఅవుట్లలో ఇళ్ల నిర్మాణాల పురోగతిపై కలెక్టర్ పి.కోటేశ్వరరావు అసంతృప్తి వ్యక్తం చేశారు.
కల్లూరు, మే 20: జగనన్న కాలనీల లేఅవుట్లలో ఇళ్ల నిర్మాణాల పురోగతిపై కలెక్టర్ పి.కోటేశ్వరరావు అసంతృప్తి వ్యక్తం చేశారు. శుక్రవారం కల్లూరు మండలం బస్తిపాడు గ్రామంలోని జగనన్న కాలనీ లేఅవుట్లలో ఇళ్ల నిర్మాణాల పురోగతిని కలెక్టర్ పరిశీలించారు. ఈ మేరకు నవరత్నాల్లో భాగంగా పేదలందరికీ ఇళ్లు పథకంలో జరుగుతున్న ఇళ్ల నిర్మాణాలు వెనుకబడి ఉండడంపై కలెక్టర్ ఆగ్రహం వ్యక్తం చేశారు. ఆయన వెంట ఎంపీడీవో జీవీ రమణమూర్తి, తహసీల్దార్ వెంకటేష్ నాయక్, కేడీసీసీ డైరెక్టర్ కల్ల వెంకటరమణారెడ్డి, సర్పంచ్ కృష్ణ ఉన్నారు.