Advertisement
Advertisement
Latest Telugu News
Advertisement

మూడు రోజుల పాటు వ్యక్తి చెవిలో తిష్ట వేసిన బొద్దింక.. చివరకు

twitter-iconwatsapp-iconfb-icon
మూడు రోజుల పాటు వ్యక్తి చెవిలో తిష్ట వేసిన బొద్దింక.. చివరకు

అక్లాండ్: న్యూజిలాండ్‌లో షాకింగ్ ఘటన ఒకటి వెలుగులోకి వచ్చింది. ఒకటి కాదు, రెండు కాదు ఏకంగా మూడు రోజుల పాటు ఒక వ్యక్తి చెవిలో ఓ బొద్దింక తిష్ట వేసింది. దాంతో అతడు నరకయాతన అనుభవించాడు. చివరకు వైద్య నిపుణుల వద్దకు వెళ్లడంతో ప్రమాదం నుంచి బయటపడ్డాడు. వైద్యులు దానిని బయటకు తీయడంతో ఊపిరిపీల్చుకున్నాడు. న్యూజిలాండ్​లోని అక్లాండ్​లో జరిగిందీ ఘటన. అసలేం జరిగిందంటే.. స్థానికంగా ఉండే జెన్​ వెడ్డింగ్​(40) అనే వ్యక్తి ఎప్పటిలాగే స్విమ్మింగ్​ పూల్​లో ఈత కొట్టి వచ్చి పడుకున్నాడు. అయితే, పడుకున్న కొద్దిసేపటి తర్వాత జేన్​‌కి చెవిలో ఏదో దురదగా అనిపించింది. చెవి లోపలికి నీరు పోయి ఉంటుందని మొదట తేలిగ్గా తీసుకున్నాడు. కానీ, సమయం గడిచే కొద్ది బాగా సమస్యగా అనిపించడం మొదలైంది. చెవి లోపల ఏదో తిరుగుతున్నట్లు అనిపించింది జెన్‌కు. దాంతో వెంటనే డాక్టర్​ దగ్గరికి వెళ్లాడు​. అతడి చెవిని పరిశీలించిన డాక్టర్.. యాంటీబయాటిక్స్​ ఇవ్వడంతో పాటు హెయిర్​ డ్రయర్​తో చెవి లోపల శుభ్రం చేసుకోవాలని చెప్పి పంపించాడు.


అయితే, వైద్యుడి దగ్గరకు వెళ్లిన జెన్ చెవి సమస్య మాత్రం తీరలేదు. ఆ తర్వాతి రోజు నుంచి ఓ చెవి మొత్తం వినిపించడం మానేసింది. లోపల ఏదో తిరుగుతున్నట్లు అనిపించడంతో నిద్ర పట్టట్లేదు. వైద్యుడి సలహా మేరకు డ్రయర్‌తో చెవిని శుభ్రం చేసుకున్న ఫలితం లేకుండా పోయింది. దాంతో​ తప్పని పరిస్థితుల్లో జెన్ మరోసారి ఈఎన్‌టీ స్పెషలిస్ట్​ దగ్గరకు వెళ్లాడు. జెన్ చెవిని పరిశీలించిన వైద్యురాలు లోపల ఏదో కీటకం ఉన్నట్లు గుర్తించింది. ట్వీజర్లు ఉపయోగించి చెవిలో నుంచి దాన్ని బయటకు తీసింది. తీరా చూస్తే అది చనిపోయిన బొద్దింక. ఆ బొద్దింకను చూసి జెన్​ షాక్ అయ్యాడు. అసలు అది చెవి లోపలకు ఎలా వెళ్లింది, ఎప్పుడు వెళ్లిందో కూడా అతనికి తెలియలేదట. మూడు రోజుల పాటు తన చెవిలో బొద్దింక ఉన్న విషయాన్ని ఇప్పటికీ నమ్మలేకపోతున్నానని చెప్పుకొచ్చాడు జెన్.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.