కఫాన్ని విరిచే లవంగ టీ
ABN , First Publish Date - 2022-08-02T10:46:55+05:30 IST
అదే పనిగా కురుస్తున్న వానలతో, వాతావరణం చల్లబడి, శ్వాసకోశ సమస్యలు మొదలవుతున్నాయి. అయితే ఈ సమస్యలకు లవంగ టీతో అడ్డుకట్ట వేయవచ్చు.
అదే పనిగా కురుస్తున్న వానలతో, వాతావరణం చల్లబడి, శ్వాసకోశ సమస్యలు మొదలవుతున్నాయి. అయితే ఈ సమస్యలకు లవంగ టీతో అడ్డుకట్ట వేయవచ్చు.
నోట్లోని బ్యాక్టీరియాను చంపడంతో పాటు, ఊపిరితిత్తుల్లోని కఫాన్ని కరిగించి, బయటకు వచ్చేలా చేసే గుణం లవంగాలకు ఉంటుంది. లవంగాలు రోగనిరోధకశక్తిని బలపరుస్తాయి కూడా! దగ్గు, జలుబు, ఛాతీలో ఇబ్బంది లాంటి శ్వాసకోశ సమస్యలు తలెత్తినప్పుడు గృహవైద్యంగా లవంగ టీని తీసుకోవచ్చు. లవంగ టీ ఎలా తయారు చేయాలంటే....
తయారీ ఇలా
అరంగుళం అల్లం ముక్క, ఒక చిన్న దాల్చిన చెక్క ముక్క, పావు టీస్పూను లవంగాలను మూడు కప్పుల నీళ్లతో పాటు మరిగించాలి. తర్వాత నీళ్లను వడగట్టి, చల్లారనివ్వాలి. తర్వాత ప్రతి రెండు గంటలకోసారి అరకప్పు లవంగ టీలో అర చెంచా తేనె కలిపి తీసుకుంటూ ఉండాలి.