కిచెన్‌ పరిశుభ్రంగా
ABN , First Publish Date - 2020-09-03T05:30:00+05:30 IST
వంటింటిలోని కబోర్డులను వంటచేతులతో ముట్టుకుంటుంటాము. నూనెలాంటివి ఉపయోగిస్తూ కబోర్డు తలుపులు తెరుస్తుంటాం. దీనివల్ల అలమారా తలుపుల మీద, నాబ్స్‌ మీద మరకలు పడతాయి. వీటి పై క్లీనర్‌ని స్ర్పేచేసి తుడిచేస్తే శుభ్రంగా ఉంటాయి...
- తాళింపు వేసేటప్పుడు నూనె జిడ్డు స్టవ్‌ను ఆనుకుని ఉన్న గోడపై పడుతుంది. దాన్ని సర్ఫ్‌ నీళ్లతో ఏరాజుకారోజు శుభ్రంగా కడిగేసుకోవాలి.
- వంటింటిలోని కబోర్డులను వంటచేతులతో ముట్టుకుంటుంటాము. నూనెలాంటివి ఉపయోగిస్తూ కబోర్డు తలుపులు తెరుస్తుంటాం. దీనివల్ల అలమారా తలుపుల మీద, నాబ్స్‌ మీద మరకలు పడతాయి. వీటి పై క్లీనర్‌ని స్ర్పేచేసి తుడిచేస్తే శుభ్రంగా ఉంటాయి.
- గిన్నెలకు వాడే స్క్రబ్బర్‌ని ఎప్పటికప్పుడు శుభ్రంగా కడుక్కోవాలి. అంట్లు తోముకునే స్క్రబ్బర్‌ శుభ్రంగా లేకపోతే అందులో బాక్టీరియా చేరే అవకాశం ఉంది.
- తోముకున్న గిన్నెలను కడిగేసిన తర్వాత కొంత సమయం తర్వాత క్లాత్‌ పెట్టి వాటిని పొడిగా తుడుచుకుంటే గిన్నెలపై మరకలు ఉండవు.
- సింకు నుంచి కారిన నీళ్లను చూసుకోకుండా నడిస్తే పడతాం. అందుకే డోర్‌మ్యాట్‌ అక్కడ తప్పనిసరిగా వేయాలి.
- కూరగాయలు తరిగే చాప్‌బోర్డును కూడా ఎప్పటికప్పుడు కడుక్కోవాలి.. లేకపోతే దీనిపై ఈగలు అవి వాలి అపరిశుభ్రంగా తయారవుతుంది.
- కూరగాయలు తరుక్కునే ముందర గట్టుపై కొద్దిగా తడిచేసి దానిపై పాలిథిన్‌ కవర్‌ పెట్టి అందులో బంగాళాదుంప, ఉల్లిపాయ లాంటి కూరల తొక్క పీల్‌చేస్తూ పడేయొచ్చు.
- కూరగాయలు, ఇతర చెత్తను డస్ట్‌ బిన్‌లో వేసేటప్పుడు డబ్బా శుభ్రంగా కడిగి తడి లేకుండా చూసుకోవాలి.
- అలాగే మసాలా, డ్రింక్స్‌ వంటివి కొంత మీక్సీ జార్‌లో వదిలేస్తుంటారు అలా చేయకుండా జార్‌లో మిగిలిన దాంట్లో కొంత నీరు పోసి దాన్ని మళ్లీ మిక్సీ పట్టీ మిగతాదానిలో కలపాలి.
Updated Date - 2020-09-03T05:30:00+05:30 IST
