Advertisement
Advertisement
Latest Telugu News
Advertisement
Published: Sun, 15 May 2022 02:49:59 IST

చెట్లు పెంచడమే కాదు, ఉద్గారాలను తగ్గించాలి!

twitter-iconwatsapp-iconfb-icon

పర్యావరణ పరిరక్షణపై అమెరికా పరిశోధకుల స్పష్టీకరణ


సాల్ట్‌ లేక్‌ సిటీ; మే 14: పర్యావరణ పరిరక్షణ అనగానే మొదట గుర్తొచ్చేది చెట్ల పెంపకమే. భూమిని వేడెక్కిస్తున్న కర్బన వాయువులను పీల్చుకునే శక్తి చెట్లకు ఉండటమే అందుక్కారణం. కానీ.. అమెరికాలోని ఉటా విశ్వవిద్యాలయ పరిశోధకులు మాత్రం చెట్లను పెంచడమొక్కటే దీనికి సమాధానం కాదని తాజాగా తేల్చిచెప్పారు. సైన్స్‌, ఎకాలజీ లెటర్స్‌ అనే రెండు జర్నల్స్‌లో ప్రచురించిన అధ్యయనాల ఆధారంగా ఉటా వర్సిటీ శాస్త్రవేత్తలు పలు వివరాలను తాజాగా వెల్లడించారు. ‘‘పర్యావరణంలోని కర్బనాన్ని చెట్లు తగ్గించడమనేది చాలా పరిమితమైనది. ఉద్గారాల విడుదలను తగ్గించుకోకుండా భూమిని కాపాడేందుకు కేవలం చెట్లపైనే ఆధారపడటం అంత గొప్ప ఆలోచన కాదు.  కాలుష్యం కారణంగా ఎదుగుదల నిలిచిపోయి, కణాజాల అభివృద్ధి ఆగిపోయే అవకాశమూ ఉంటుంది. వేలాది ఏళ్ల వయసు కలిగిన చెట్లపై మేం జరిపిన అధ్యయనాల ప్రకారం.. గాలిలోని కర్బన వాయువు కంటే కరువు పరిస్థితులే చెట్లపై తీవ్రంగా ప్రభావాన్ని చూపించాయి. పర్యావరణ విధానకర్తలు భూమిని కాపాడేందుకు అడవులపై ఆధారపడటం గురించి పునరాలోచించుకోవాలి. కర్బనఉద్గారాల తగ్గుదలపైనే ప్రధానంగా దృష్టి పెట్టాలి. మన పర్యావరణాన్ని కాపాడుకునే అవకాశం ఇంకా మన చేతిలోనే ఉంది. అడవులభవిష్యత్తు కూడా మననిర్ణయాలపైనే ఆధారపడి ఉంది’’ అని పరిశోధకులు స్పష్టం చేశారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.