సినిమా ప్రియులకు UAE గుడ్‌న్యూస్!

ఎన్నారై డెస్క్: యూఏఈ తాజాగా కీలక ప్రకటన చేసింది. సినిమా ప్రియులకు ఇది గుడ్‌న్యూస్ అనే చెప్పొచ్చు. విషయం ఏంటంటే.. కరోనా విజృంభణ నేపథ్యంలో మహమ్మారి వ్యాప్తిని కట్టడి చేయడానికి యూఏఈ ప్రభుత్వం కఠిన ఆంక్షలను అమలు చేసింది. అదే విధంగా యూఏఈ వ్యాప్తంగా వ్యాక్సినేషన్ ప్రక్రియను చురుకుగా అమలు చేసింది. దీంతో ప్రస్తుతం యూఏఈలో పరిస్థితి కాస్తా అదుపులోకి వచ్చింది. ఈ నేపథ్యంలో యూఏఈ కీలక నిర్ణయం తీసుకుంది. పూర్తి సామర్థ్యంతో సినిమా హాళ్లను తెరిచేందుకు గ్రీన్ సిగ్నల్ ఇచ్చింది. నేషనల్ ఎమర్జెన్సీ క్రైసిస్ అండ్ డిజాస్టర మేనేజ్‌మెంట్ అథారిటీ( ఎన్సీఈఎంఏ) స్వయంగా ఈ విషయాన్ని ప్రకటించింది. మంగళవారం నుంచి అంటే 15 ఫిబ్రవరి 2022 నుంచి సినిమా థియేటర్లు పూర్తి సామర్థ్యంతో ప్రారంభమవుతాయని పేర్కొంది. ఇందుకోసం అన్ని ఎమిరేట్స్ చర్యలు తీసుకోవాలని సూచించింది.