కావలసిన పదార్థాలు: కోవా- కప్పు, చాక్లెట్‌ చిప్స్‌- ముప్పావు కప్పు, చక్కెర- రెండు స్పూన్లు, యాలకుల పొడి- పావు స్పూను, నెయ్యి- స్పూను.
తయారుచేసే విధానం: ముందుగా ఓ పాన్‌మీద కోవాను వేడిచేయాలి. కాసేపటికి కోవా కరగడం మొదలవుతుంది. అప్పుడు చక్కెరను వేసి బాగా కలపాలి. ఇందులోనే చాక్లెట్‌ చిప్స్‌ను కూడా వేయాలి. చాక్లెట్‌ అంతా కరిగి కోవాలో కలుస్తుంది. అలాగే కలుపుతుంటే ఈ మిశ్రమం అంతా ముద్దగా మారుతుంది. వెంటనే దీన్ని ఓ గిన్నె లేదా ప్లేట్‌లోకి తీసుకుని చల్లారనివ్వాలి. కాస్త గోరు వెచ్చగా ఉన్నప్పుడే చిన్న చిన్న ముద్దలుగా చేసి అచ్చులో వేసి మోదకంలా వత్తుకోవాలి. లేదా చేత్తో చేసినా పర్వాలేదు.