Advertisement
Advertisement
Latest Telugu News
Advertisement
Published: Thu, 11 Nov 2021 17:45:33 IST

సంస్కృతుల గొప్పతనాన్ని చైనా నేతలు అర్థం చేసుకోలేరు : దలైలామా

twitter-iconwatsapp-iconfb-icon
సంస్కృతుల గొప్పతనాన్ని చైనా నేతలు అర్థం చేసుకోలేరు : దలైలామా

టోక్యో : విభిన్న సంస్కృతులకుగల గొప్పతనాన్ని చైనా నేతలు అర్థం చేసుకోలేరని టిబెటన్ ఆధ్యాత్మిక గురువు దలైలామా అన్నారు. భారత దేశం మత సామరస్యానికి కేంద్రమని ప్రశంసించారు. టోక్యోలో బుధవారం నిర్వహించిన ఆన్‌లైన్ న్యూస్ కాన్ఫరెన్స్‌లో ఆయన ఈ వ్యాఖ్యలు చేసినట్లు జపనీస్ మీడియా గురువారం తెలిపింది.


టిబెట్‌, జింజియాంగ్‌లలో విలసిల్లుతున్న విశిష్ట సంస్కృతి విలువను సంకుచిత మనస్కులైన చైనా కమ్యూనిస్టు నేతలు గుర్తించలేరని దలైలామా అన్నారు. చైనాలో అధిక సంఖ్యాకులైన హాన్ ప్రజలు మితిమీరిన నియంత్రణలకు పాల్పడుతుండటం వల్లే సమస్య ఉత్పన్నమవుతోందన్నారు. కమ్యూనిస్టు నేతల గురించి తనకు తెలుసునని, మావో జెడాంగ్ నుంచి అనేక మంది గురించి తనకు తెలుసునని చెప్పారు. వారి సిద్ధాంతాలు మంచివేనని, అయితే కొన్నిసార్లు వారు మితిమీరిన, కట్టుదిట్టమైన నియంత్రణలు విధిస్తారని చెప్పారు. 


చైనా ప్రాచీన సంస్కృతికి నిజమైన ఖజానా తైవాన్ అని పేర్కొన్నారు. దీనిపై ప్రస్తుతం అతి రాజకీయం చేస్తున్నారన్నారు. చైనా అధ్యక్షుడు జీ జిన్‌పింగ్‌తో సమావేశమవాలనే ఆలోచన లేదని తెలిపారు. పాత మిత్రులను కలవడం కోసం మరోసారి చైనా వెళ్ళాలనే కోరిక ఉందని చెప్పారు. 


తాను భారత దేశంలోనే ప్రశాంతంగా ఉండటానికి ప్రాధాన్యమిస్తానని తెలిపారు. ఈ దేశం మత సామరస్యానికి కేంద్రమని ప్రశంసించారు. 


చైనా దళాలు దండయాత్ర చేయడంతో దలైలామా తన సహచరులతోపాటు టిబెట్ నుంచి 1959లో భారత దేశానికి వచ్చారు. ఆయన వేర్పాటువాది అని చైనా ఆరోపిస్తోంది. చైనా నుంచి టిబెట్‌ను వేరు చేయాలని ఆయన ప్రయత్నిస్తున్నారని మండిపడుతోంది.

 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.