కరాటే కల్యాణి నివాసంపై చైల్డ్ వెల్ఫేర్ అధికారుల దాడులు
ABN , First Publish Date - 2022-05-16T00:13:29+05:30 IST
నటి కరాటే కల్యాణి నివాసంపై చైల్డ్ వెల్ఫేర్ అధికారులు దాడులు చేశారు. పలువురు చిన్నారులను..
హైదరాబాద్: నటి కరాటే కల్యాణి నివాసంపై చైల్డ్ వెల్ఫేర్ అధికారులు దాడులు చేశారు. పలువురు చిన్నారులను కిడ్నాప్ చేయడంతో పాటు 2 నెలల శిశువును కొనుగోలు చేసినట్టు అధికారులకు కొందరు ఫిర్యాదు చేశారు. నెలల శిశువులను అడ్డుపెట్టుకొని డబ్బులు వసూలు చేస్తున్నట్టు ఫిర్యాదులో పేర్కొన్నారు. దీంతో కరాటే కల్యాణిని విచారించేందుకు అధికారులు ప్రయత్నం చేస్తున్నారు.
కాగా ఫ్రాంక్ వీడియోలు చేసే శ్రీకాంత్ అనే వ్యక్తికి, కరాటే కల్యాణికి రెండు రోజుల క్రితం గొడవ జరిగింది. ఈ గొడవలో పరస్పరం దాడి చేసుకున్నారు. ఎస్ఆర్నగర్ పోలీస్ స్టేషన్లో ఒకరిపై ఒకరు ఫిర్యాదు చేసుకున్నారు. అయితే గొడవ సమయంలో కరాటే కల్యాణి వద్ద 2 నెలల శిశువు ఉన్నారు. ఈ నేపథ్యంలో ఆమెను చైల్డ్ వెల్ఫేర్ అధికారులు విచారించడం చర్చనీయాంశంగా మారింది. మరోవైపు కరాటే కల్యాణి వివరణ ఏ విధంగా ఉంటుందో చూడాలి.