ప్రపంచం వెతుకుతున్న భారతీయ ఫుడ్ ఏదో తెలుసా..

ABN , First Publish Date - 2020-02-04T00:12:05+05:30 IST

2019లో ప్రపంచ వ్యాప్తంగా అత్యధికశాతం మంది చికెన్ బిర్యానీ కోసం తెగ వెతికేశారు.

ప్రపంచం వెతుకుతున్న భారతీయ ఫుడ్ ఏదో తెలుసా..

భారతీయ వంటకాలు, ఆ రుచులూ.. అబ్బో.. ఎంత చెప్పుకున్నా తక్కువే. ఇక వివిధ ప్రాంతాల వంటకాల మధ్య ఉన్న వైవిధ్యం మరెంతో ఆకట్టుకుట్టుంది. పాశ్చాత్య దేశాల్లో కూడా మన ఫుడ్ అంటే చెవికోసుకునే వారు ఎంతో మంది ఉన్నారు. భారతీయ ఆహారం అందించే రెస్టారెంట్లు తమ దగ్గర్లో ఎక్కడైనా ఉన్నాయా అంటూ అప్పుడప్పుడూ గూగుల్‌లో వెతుకుతుంటారు. మరి వారు ఎక్కువగా సెర్చ్ చేసేది ఏ వంటకం గురించి? అనే ప్రశ్న సహజంగానే ఉత్పన్నమవుతుంది.

సెమ్‌రష్ అనే సంస్థ ఈ ప్రశ్నకే సమాధానాన్ని వెతికిపట్టుకుంది. 2019లో ప్రపంచ వ్యాప్తంగా అత్యధికశాతం మంది చికెన్ బిర్యానీ కోసం తెగ వెతికేశారట. లెక్కలతో సహా చెప్పుకోవాలంటే ఆ సంవత్సరంలో మొత్తం 4.5 లక్షల సెర్చ్‌‌లు దీనిపైనే జరిగాయి. చికెన్ బిర్యానీ తరువాతి స్థానాలను వరుసగా బటర్ చికెన్, సమోసాలు ఆక్రమించాయట. ఈ నవాబుల ఆహారానికి ప్రపంచం కూడా ఫిదా అయిపోయిందంటూ సెమ్‌రష్ పేర్కొంది.

Updated Date - 2020-02-04T00:12:05+05:30 IST