ఉల్లాసంగా.. ఉత్సాహంగా!

ABN , First Publish Date - 2022-05-18T05:12:10+05:30 IST

వేసవి సెలవులు వచ్చాయంటే చాలు.. చిన్నాపెద్ద అనే తేడా

ఉల్లాసంగా.. ఉత్సాహంగా!
నల్లచెర్వు గ్రామంలోని బావిలో ఈత కొడుతున్నపిల్లలు

వేసవి సెలవులు వచ్చాయంటే చాలు.. చిన్నాపెద్ద అనే తేడా లేకుండా బావుల వద్దకు పరుగులు తీస్తుంటారు. ఎండ వేడిమి నుంచి ఉపశమనం పొందడానికి ఈత కొడుతూ సేదతీరుతుంటారు. గ్రామీణ ప్రాంతాల్లో అయితే బావులు, పట్టణ ప్రాంతాల్లో స్విమ్మింగ్‌ఫూళ్లను ఆశ్రయిస్తారు. కొత్తగా ఈత నేర్చుకునేవారు వేసవి సెలవులను ఉపయోగించుకుంటారు. నూనె డబ్బాలు, రబ్బరు ట్యూబులు, బెండ్లు కట్టుకొని ఈత నేర్చుకుంటారు. గతంలో గ్రామీణ ప్రాంతాల్లో ఎక్కువగా బావులు ఉండేవి. ప్రస్తుతం వాటి సంఖ్య తగ్గిపోయింది. భూగర్భ జలాలు అంతరించిపోవడం, పొలాల వద్ద బోర్లు వేసుకోవడం వల్ల బావులను పట్టించుకునేవారు కరువయ్యారు. మాడ్గుల మండలంలోని నల్లచెర్వు గ్రామంలోని ఓ బావిలో మంగళవారం చిన్నారులు ఈత కొడుతూ కనిపించారు. నీళ్లల్లో డైవ్‌లు కొడుతూ ఎంజాయ్‌ చేశారు.     - మాడ్గుల



Updated Date - 2022-05-18T05:12:10+05:30 IST