చాణక్య నీతి: ఈ లక్షణాలు మీలో ఉంటే విజయం పరిగెత్తుకుంటూ వస్తుంది!
ABN , First Publish Date - 2022-03-19T13:06:56+05:30 IST
చాణక్య నీతిలో తెలిపిన వివరాల...
చాణక్య నీతిలో తెలిపిన వివరాల ప్రకారం.. మనిషిలోని చెడు అలవాట్లు అతని జీవితానికి హాని కలిగిస్తాయి తప్ప.. విజయం సాధించేందుకు ఎంతమాత్రం ఉపయోగపడవు. అందుకే ఈ చెడు అలవాట్లకు దూరంగా ఉండటానికి ప్రతీఒక్కరూ ప్రయత్నించాలి. ఏ చెడు అలవాట్లు మనిషిని మరింత దిగజారుస్తాయో ఆచార్య చాణక్య తెలిపారు. ఇవే విజయానికి ఆటంకాలుగా మారుతాయని పేర్కొన్నాడు.
సమయ ప్రాముఖ్యతను గుర్తించండి!
మనిషి.. సమయం విలువను తెలుసుకోవాలని చాణక్య నీతి చెబుతుంది. సమయానికున్న ప్రాముఖ్యతను అర్థం చేసుకున్నవారు మాత్రమే జీవితంలో లక్ష్యాలను సాధించడంలో విజయం సాధిస్తారు. కాలం ఎవరి కోసం ఆగదు. ఒక్కసారి గడిచిన కాలం మరి తిరిగి రాదు. సరైన సమయానికి తీసుకున్న నిర్ణయం విజయంలో కీలకంగా మారుతుంది. సమయాన్ని సద్వినియోగం చేసుకోవడానికి సిద్ధంగా ఉన్నవారు తమ లక్ష్యాలను సాధించగలుగుతారు.
సోమరితనం చేయవద్దు
బద్ధకం అనేది మనిషి విజయానికి అడ్డుపడే ఒక పెద్ద లోపమని చాణక్య నీతి చెబుతుంది. సోమరితనం కలిగిన వ్యక్తి అవకాశాలను సద్వినియోగం చేసుకోలేడు. బద్ధకం కలిగిన వారు సమస్యలను ఎదుర్కోవాల్సి వస్తుంది.
కష్టపడటానికి భయపడవద్దు
జీవితంలో విజయం సాధించాలంటే కష్టపడటానికి భయపడకూడదని చాణక్య నీతి చెబుతోంది. కష్టానికి వెనుకంజ వేసేవారికి లక్ష్మీదేవి అనుగ్రహం లభించదు. శ్రమపడకుండా విజయం సాధ్యం కాదు. ఈ విషయాన్నిఅర్థం చేసుకున్నప్పుడే విజయం వరిస్తుంది.
మత్తు పదార్థాలు తీసుకోవద్దు
విజయం సాధించాలనుకునేవారు అన్ని రకాల మత్తు పదార్థాలకు దూరంగా ఉండేందుకు ప్రయత్నించాలని చాణక్య నీతి చెబుతోంది. మత్తు వల్ల ఆరోగ్యంతో పాటు మనసు, మెదడుపై చెడు ప్రభావం పడుతుంది. మాదకద్రవ్యాలకు బానిసలైనవారు ఎప్పుడూ నైపుణ్యంతో పని చేయలేరు. అలాంటి వారిని ఇతర లోపాలు కూడా చుట్టుముడతాయి. డ్రగ్స్కు దూరంగా ఉంటేనే జీవితంలో అమోఘమైన విజయాన్ని సాధించవచ్చు. మాదకద్రవ్యాలకు బానిసలైనవారు తమ ప్రతిభను సమర్థవంతంగా ఉపయోగించుకోలేరు.