Advertisement
Advertisement
Latest Telugu News
Advertisement
Published: Mon, 27 Dec 2021 06:42:23 IST

చాణక్య నీతి: ఈ 10 జీవిత సత్యాలు మీ తడబాటును తొలగించి, స్థిరమైన జ్ఞానాన్ని అందిస్తాయి!

twitter-iconwatsapp-iconfb-icon
చాణక్య నీతి: ఈ 10 జీవిత సత్యాలు మీ తడబాటును తొలగించి, స్థిరమైన జ్ఞానాన్ని అందిస్తాయి!

జీవితంలో తడబడకుండా ఏదీ నేర్చుకోలేము. అనుభవజ్ఞులైన వ్యక్తుల నుంచి జ్ఞానాన్ని స్వీకరించి, తదనుగుణంగా వ్యూహాలను రూపొందించుకునేవారి సక్సెస్ గ్రాఫ్ అద్భుతంగా ముందుకు సాగుతుంది. మీరు కూడా మీ జీవిత మార్గాన్ని విజయాల బాటలో నడిపించాలనుకుంటే చాణక్య నీతిని అనుసరించాల్సివుంటుంది. జీవితంలో విజయం సాధించడానికి ఆచార్య చాణక్యుని మాటలు మీకు ఎంతగానో ఉపయోగపడతాయి. చాణక్య నీతిలో రాసినవన్నీ ఆయన అనుభవాల ఫలితాలే. మీరు వాటి ప్రాముఖ్యతను అర్థం చేసుకుంటే, మీరు మీ జీవితంలో ఎలాంటి పరిస్థితులనైనా సులభంగా ఎదుర్కోగలుగుతారు. అందుకోసం ఆచార్య చాణక్య తెలిపిన ఈ 10 అమూల్య విషయాలను ఎప్పటికీ గుర్తుంచుకోండి. 

1. ఆవుల మందలో ప్రవేశించిన దూడ తన తల్లిని ఎలా అనుసరిస్తుందో, అదే విధంగా ఒక వ్యక్తి చేసే మంచి, చెడు కర్మలు అతనిని అనుసరిస్తాయి. అందుకే ప్రతి ఒక్కరూ మంచి పనులు చేస్తుండాలి.

2. తెలివిగల మనిషి తన ఇంద్రియాల అదుపు విషయంలో కొంగలా ప్రవర్తించి, స్థలం, సమయం, తన సామర్థ్యాలను అర్థం చేసుకుని తన పనితనాన్ని నిరూపించుకోవాలి.

3. కష్టపడి పనిచేసేవారిని చూస్తే పేదరికం పారిపోతుంది. ఎల్లప్పుడూ భగవంతుడిని స్మరించే వారు పాపపు పనులు చేయలేరు. ఇటువంటి మనసు కలిగినవారు ఎల్లప్పుడూ నిర్భయంగా ఉంటారు.

4. రాజు యొక్క బలం అతని శక్తివంతమైన బాహువులలో ఉంటుంది. బ్రాహ్మణుని బలం అతని ఆధ్యాత్మిక జ్ఞానంలో ఉంటుంది. స్త్రీ యొక్క బలం ఆమె అందం, యవ్వనం, మధురమైన మాటలలో ఉంటుంది.

5. మీరు త్వరగా విజయం సాధించాలనుకుంటే, మీరు నైపుణ్యం సంపాదించిన పనిలో ఎల్లప్పుడూ నిమగ్నమై ఉండండి.

6. ఐశ్వర్యం, స్నేహితులు, భార్య, రాజ్యం తిరిగి పొందవచ్చు. కానీ ఈ శరీరాన్ని తిరిగి పొందలేము. కాబట్టి కాలాన్ని వీలైనంతగా సద్వినియోగం చేసుకోండి.

7. మనం ఎవరి ద్వారానైతే ఏదైనా పని పూర్తిచేయించాలనుకుంటున్నామో.. వారు ఇష్టపడే రీతిలో మాట్లాడాలి. 

8. తన కుటుంబంతో విపరీతమైన అనుబంధం కలిగిన వ్యక్తిని భయం, దుఃఖం వెంటాడుతుంటాయి. అన్ని బాధలకు అనుబంధమే ప్రధాన కారణం. అందుకే సంతోషంగా ఉండాలంటే పరిధికి మించిన అనుబంధాలను వదులుకోవడం అవసరం.

9. బంగారంతో పూత వేస్తే వెండి కూడా బంగారంలానే కనిపిస్తుంది. సత్సంగం ప్రభావం ఖచ్చితంగా మానవులపై పడుతుందని దీని అర్థం.

10. పనులు చేపట్టాక ఇబ్బందులు ఎదురైనప్పుడు మాత్రమే మూర్ఖులు తప్పులు కనుగొంటారు. తెలివైన వ్యక్తి పని ప్రారంభించే ముందే ప్రణాళికతో ఉంటాడు. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.