సెంటర్ కోర్టు..సెంచరీ!
ABN , First Publish Date - 2022-07-04T10:01:10+05:30 IST
టెన్నిస్ నాలుగు గ్రాండ్స్లామ్లలో వింబుల్డన్ది ఎంతో ప్రత్యేకం. అలాంటి ఆల్ ఇంగ్లండ్ క్లబ్లో సెంటర్ కోర్టుకు మరీమరీ ప్రాముఖ్యం ఉంది.
వింబుల్డన్: టెన్నిస్ నాలుగు గ్రాండ్స్లామ్లలో వింబుల్డన్ది ఎంతో ప్రత్యేకం. అలాంటి ఆల్ ఇంగ్లండ్ క్లబ్లో సెంటర్ కోర్టుకు మరీమరీ ప్రాముఖ్యం ఉంది. ఈ సెంటర్ కోర్టు ఆదివారం శత వసంతాలు పూర్తి చేసుకుంది. 1922, జూలై మూడున సెంటర్ కోర్టు ప్రారంభమైంది. సాధారణంగా 14 రోజులు జరిగే వింబుల్డన్లో తొలి ఆదివారం విశ్రాంతి. కానీ సెంటర్ కోర్టు వందేళ్ల ఉత్సవం సందర్భంగా ఈ ఆదివారం పోటీలు నిర్వహించడం విశేషం. ఈ సందర్భంగా కోర్టు చైర్ అంపైర్ పక్కన ‘సెంటర్ కోర్టు, 100’ అని పెద్ద అక్షరాలతో రాశారు. ఈ శత వసంతాల సందర్భంగా వింబుల్డన్ మాజీ చాంపియన్లు బిల్లీజీన్ కింగ్, మార్గరెట్ కోర్ట్, క్రిస్ ఎవర్ట్, బర్తోలి, వీనస్ విలియమ్స్, బియాన్ బోర్గ్, జాన్ మెకన్రో, బర్తోలి, ఫెడరర్, నడాల్, జొకోవిచ్ హాజరై సెంటర్ కోర్టులో సందడి చేశారు.