Abn logo
Jul 28 2021 @ 06:03AM

వ్యాక్సిన్ తీసుకున్నా మాస్కు పెట్టుకోండి: అమెరికా సూచన

వాషింగ్టన్: కొంతకాలం క్రితం రెండో డోసు వ్యాక్సిన్ తీసుకున్న అమెరికన్లు ఇకపై మాస్కులు ధరించాల్సిన అవసరం లేదంటూ ఆ దేశాధ్యక్షుడు జో బైడెన్ ప్రకటించిన విషయం గుర్తుంది కదా. కానీ ప్రస్తుతం ఈ దేశంలో డెల్టా వేరియంట్ విలయ తాండవం చేస్తోంది. ఈ క్రమంలో పూర్తిగా వ్యాక్సినేషన్ జరిగిన తర్వాత కూడా ప్రజలు మాస్కులు ధరించడమే మంచిదని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) సూచించింది. కరోనా హాట్‌స్పాట్లలో ఉండే వ్యక్తులు రెండు డోసుల వ్యాక్సిన్ తీసుకున్నా సరే మాస్కులు ధరించాలని సీడీసీ తెలిపింది. మే నెలలో వ్యాక్సిన్ రెండు డోసులు తీసుకున్న వాళ్లకు మాస్కులతో పనిలేదని సీడీసీ ప్రకటించిన సంగతి తెలిసిందే. అయితే డెల్టా విజృంభణతో సీడీసీ తన నిర్ణయం మార్చుకుంది. కే-12 స్కూళ్లలో పనిచేసే టీచర్లు, విద్యార్థులు బహిరంగ ప్రదేశాల్లోనే కాకుండా స్కూళ్లలో కూడా మాస్కులు ధరించాలని సీడీసీ పేర్కొంది.

తాజా వార్తలుమరిన్ని...