Advertisement
Advertisement
Latest Telugu News
Advertisement

America లో గర్భిణీలకు CDC హెచ్చరిక.. చేజేతులా మృత్యువుని ఆహ్వానించ వద్దంటూ..

twitter-iconwatsapp-iconfb-icon
America లో గర్భిణీలకు CDC హెచ్చరిక..  చేజేతులా మృత్యువుని ఆహ్వానించ వద్దంటూ..

వాషింగ్టన్: అగ్రరాజ్యం అమెరికాను కరోనా వైరస్ అతలాకుతలం చేసిన విషయం తెలిసిందే. ఇప్పటికీ ఇంకా అక్కడ వైరస్ ప్రభావం పూర్తిగా తొలిగిపోలేదు. గత నెలలో కూడా భారీ సంఖ్యలో కొత్త కేసులు, మరణాలు నమోదయ్యాయి. వ్యాక్సిన్ తీసుకునే విషయంలో ప్రజలు అశ్రద్ధ చూపడంతోనే మహమ్మారిని నిరోధించడం సాధ్యపడటం లేదని అక్కడి ఆరోగ్యశాఖ అధికారులు చెబుతున్నారు. టీకాలపై అపోహలతో ఇప్పటికీ చాలా మంది వాటిని తీసుకోవడానికి ముందుకు రావడం లేదని వాపోతున్నారు. చాలాసార్లు ఎన్నో కార్యక్రమాల ద్వారా వ్యాక్సిన్లపై అవగాహన కల్పించినా ఫలితం లేకుండా పోతుందట. 

America లో గర్భిణీలకు CDC హెచ్చరిక..  చేజేతులా మృత్యువుని ఆహ్వానించ వద్దంటూ..

ఇక గర్భిణీలు టీకాలు తీసుకోవడంలో తీవ్ర నిర్లక్ష్యం వహిస్తున్నట్లు తెలియడంతో తాజాగా సెంటర్స్ ఫర్ డిసీజ్ కంట్రోల్ అండ్ ప్రివెన్షన్(సీడీసీ) వారికి అత్యవసర హెచ్చరిక జారీ చేసింది. ఒకవేళ గర్భిణీలు కరోనా బారిన పడినా.. వారు అంతకుముందే వ్యాక్సిన్ తీసుకుని ఉంటే వైరస్ సంబంధిత ఆరోగ్య సమస్యల నుంచి త్వరగా బయటపడవచ్చని పేర్కొంది. అలాగే వారికి పుట్టబోయే బిడ్డకు కూడా ఇది ఎంతో మేలు చేస్తుందని సీడీసీ స్పష్టం చేసింది. ఆగస్టులో 22 మంది గర్భిణీ స్త్రీలు కరోనాతో మరణించారని ఏజెన్సీ తెలిపింది. ఇది మహమ్మారి వల్ల నమోదైన అత్యధిక నెలవారీ మరణాల సంఖ్యగా పేర్కొంది.

America లో గర్భిణీలకు CDC హెచ్చరిక..  చేజేతులా మృత్యువుని ఆహ్వానించ వద్దంటూ..

సాధారణ స్త్రీల కంటే గర్భిణీలకు వైరస్ సోకితే మరణించే ప్రమాదం 70 శాతం ఎక్కువ అని సీడీసీ డేటా చెబుతోంది. అలాగే గర్భిణీలు ఒకవేళ వైరస్ బారిన పడితే.. తప్పనిసరిగా ఐసీయూలో చేరాల్సి ఉంటుందని పేర్కొంది. ఈ ఏడాది కరోనాతో ఆస్పత్రుల్లో చేరిన గర్భిణీల్లో 97 శాతం మంది టీకా తీసుకోని వారేనని అధికారులు తెలిపారు. ప్రస్తుతం దేశవ్యాప్తంగా కేవలం 31 శాతం మంది గర్భిణీలు మాత్రమే వ్యాక్సిన్లు వేసుకున్నట్లు తెలిసింది. ఈ నేపథ్యంలో సీడీసీ కీలక సూచన చేసింది. ప్రస్తుతం గర్భవతిగా ఉన్నవారు, గర్భం ధరించడానికి ప్రయత్నిస్తున్న వారితో పాటు ఇప్పుడే శిశువును జన్మనిచ్చిన వారు కూడా తప్పనిసరిగా టీకాలు తీసుకోవాలని కోరింది. లేనిపక్షంలో చేజేతులా మృత్యువుని ఆహ్వానించినట్టేనని పేర్కొంది.    

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.