ఓలా, ఉబెర్ విధానాలపై సమీక్షకు... వచ్చే వారంలో సమావేశం కానున్న సీసీపీఏ
ABN , First Publish Date - 2022-05-05T00:35:26+05:30 IST
క్యాబ్ అగ్రిగేటర్లపై కస్టమర్ ఫిర్యాదుల పరంపర నేపథ్యంలో... సెంట్రల్ కన్స్యూమర్ ప్రొటెక్షన్ అథారిటీ(సీసీపీఏ) వచ్చే వారం... Ola, Uber తదితర రైడ్-హెయిలింగ్ ప్లాట్ఫారమ్ల సమావేశాన్ని ఏర్పాటు చేసింది.
న్యూఢిల్లీ : క్యాబ్ అగ్రిగేటర్లపై కస్టమర్ ఫిర్యాదుల పరంపర నేపథ్యంలో... సెంట్రల్ కన్స్యూమర్ ప్రొటెక్షన్ అథారిటీ(సీసీపీఏ) వచ్చే వారం... Ola, Uber తదితర రైడ్-హెయిలింగ్ ప్లాట్ఫారమ్ల సమావేశాన్ని ఏర్పాటు చేసింది. ధర, ప్రయాణాల రద్దు విధానాల గురించి లోతుగా చర్చించే క్రమంలో ఈ సమావేశం జరగనుంది. గత పన్నెండు నెలల్లో, ఈ సేవలను ఉపయోగిస్తోన్న వినియోగదారులు... డ్రైవర్లు రైడ్ను రద్దు చేయడం, ధరల పెరుగుదల, ఎక్కువసేపు వేచి ఉండే సమయాలు సహా రద్దు ఛార్జీలు వంటి సమస్యలను ఎదుర్కొంటున్నట్లుగా ఫిర్యాదులు వెల్లువెత్తుతోన్న విషయం తెలిసిందే. ఓ అధ్యయనం ప్రకారం... 71 % మంది డ్రైవర్లు తమ రైడ్లను రద్దు చేశారు. అంతేకాకుండా... 45 % మంది... సర్జ్ ప్రైస్ థ్రెషోల్డ్ కంటే ఎక్కువ వసూలు చేశారన్న విమర్శలు కూడా భారీగానే వినవచ్చాయి. అయినప్పటికీ, కోవిడ్-19 మార్గదర్శకాలకు డ్రైవర్లు కట్టుబడి ఉండటం పట్ల 60 % మంది నుంచి సంతృప్తి వ్యక్తమైంది.