Abn logo
May 17 2021 @ 08:58AM

ఏడు ప్రత్యేక రైళ్ల రద్దు

చెన్నై/పెరంబూర్‌: ప్రయాణికుల సంఖ్య తక్కువగా ఉండడంతో ఏడు ప్రత్యేక రైళ్లు రద్దయ్యాయి. ఈ మేరకు దక్షిణ రైల్వే విడుదల చేసిన ప్రకటనలో,  చెన్నై ఎగ్మూర్‌- మన్నార్‌గుడి (నెం.06179), కన్నూర్‌- కోయం బత్తూర్‌ (నెం.06607), కోయంబత్తూర్‌-కన్నూర్‌ (నెం.06608), అళప్పుల- కన్నూర్‌ (నెం.06307), కన్నూర్‌-అళప్పుల (నెం.06308), ఎగ్మూర్‌-తిరుచ్చి (నెం.06795), తిరుచ్చి- ఎగ్మూర్‌ (నెం.06796) ప్రత్యేక డైలీ రైళ్లను సోమ వారం నుంచి ఈ నెల 31వ తేది వరకు రద్దు చేసినట్లు అధికారులు తెలిపారు.


నేటినుంచి సబర్బన్‌ వర్క్‌మెన్‌ స్పెషల్స్‌ తగ్గింపు

నగరంలో నాలుగు మార్గాల్లో నడుపుతున్న సబర్బన్‌ వర్కమెన్‌ స్పెషల్‌ రైళ్ల రాకపోకలు సోమవారం నుంచితగ్గించారు. ఈ మేరకు దక్షిణ రైల్వే విడుదల చేసిన ప్రకటనలో, కరోనా రెండవ దశ నియంత్రణ చర్యల్లో భాగంగా ఈ నెల 10 నుంచి రెండు వారాలు సంపూర్ణ లాక్‌డౌన్‌ ప్రభుత్వం ప్రకటించింది. ప్రస్తుతం కేంద్ర, రాష్ట్రప్రభుత్వ ఉద్యోగులు, అత్యవసరపు పనులకు వెళ్లే వారి కోసం ప్రత్యేక సబర్బన్‌ వర్క్‌మెన్‌ రైళ్లు నడుపు తున్నామని, సోమవారం నుంచి ఈ రైళ్లను తగ్గిస్తున్నట్లు దక్షిణ రైల్వే తెలిపింది. ఆ ప్రకారం...


మూర్‌ మార్కెట్‌ కాంప్లెక్స్‌-ఆవడి-తిరువళ్లూర్‌-అర క్కోణం-తిరుత్తణి - 42 సర్వీసులు

రుత్తణి-అరక్కోణం-తిరువళ్లూర్‌-ఆవడి-మూర్‌మార్కెట్‌ కాంప్లెక్స్‌ - 43 సర్వీసులు

మూర్‌మార్కెట్‌ కాంప్లెక్‌-గుమ్మిడిపూండి- సూళ్లూరుపేట - 15 సర్వీసులు

సూళ్లూరుపేట-గుమ్మిడిపూండి-మూర్‌మార్కెట్‌ కాంప్లెక్స్‌ - 15 సర్వీసులు

చెన్నై బీచ్‌-వేళచ్చేరి - 12 సర్వీసులు

వేళచ్చేరి-చెన్నై బీచ్‌ - 12 సర్వీసులు

చెన్నై బీచ్‌-తాంబరం-చెంగల్పట్టు-తిరుమాల్‌పూర్‌ - 33 సర్వీసులు

తిరుమాల్‌పూర్‌-చెంగల్పట్టు-తాంబరం- చెన్నై బీచ్‌ - 33 సర్వీసులు

తదుపరి ఉత్తర్వులు వచ్చేంత వరకు సోమవారం నుంచి శనివారం వరకు తగ్గించిన సర్వీసులుంటాయని దక్షిణ రైల్వే తెలియజేసింది.

Advertisement