కాలిపోయిన పెళ్లి సామగ్రి

మండలంలోని గుర్రాల తండా గ్రామంలో ఆదివారం రాత్రి పదిన్నర గంటల ప్రాంతంలో జరిగిన అగ్ని ప్రమాదంలో దెబ్బయి వేల రూపాయల విలువైన పెండ్లి సామగ్రి దగ్ధం అయింది. ఇందుకు సంబంధించిన వివరాలు ఇలా ఉన్నాయి. రాత్రి పూట ఈదురు గాలులకు ఇంటి ముందున్న విద్యుత్‌ తీగలు రాపిడికి గురికావడంతో చెలరేగిన నిప్పురవ్వలు ఇంటి ముందు వేసి ఉన్న టెంటుపై పడడంతో ఒక్కసారిగా మంటలు చెలరేగాయి. దీంతో టెంటు దగ్ధం కాగా టెంటు కింద ఉన్న పెండ్లిలో ఇచ్చిన సామగ్రి మొత్తం కాలి బూడిదయ్యాయి. వెంటనే ఇంటి చుట్టు పక్కల వారు మంటలను అదుపు చేశారు. లేకుంటే ఇండ్లకు మంటలు అంటుకుని పెద్ద ప్రమాదం జరిగేదని గ్రామస్థులు వాపోయారు. పెండ్లి అయిన రెండు రోజులకు అగ్ని ప్రమాదం జరిగి పెండ్లి సామాగ్రి దగ్ధం కావడంతో ఆవేదనకు గురవుతున్నారు.