బీఎస్ఎన్ఎల్ నుంచి బ్రహ్మాండమైన ఆఫర్!
ABN , First Publish Date - 2022-01-08T02:11:53+05:30 IST
వినియోగదారులను ఆకర్షించేందుకు పలు రకాల ప్లాన్లు, ఆఫర్లు ప్రకటిస్తున్నప్రభుత్వ రంగ టెలికం సంస్థ..
న్యూఢిల్లీ: వినియోగదారులను ఆకర్షించేందుకు పలు రకాల ప్లాన్లు, ఆఫర్లు ప్రకటిస్తున్న ప్రభుత్వ రంగ టెలికం సంస్థ బీఎస్ఎన్ఎల్ మరో బ్రహ్మాండమైన ఆఫర్ ప్రకటించింది. బీఎస్ఎన్ఎల్కు మారే వినియోగదారులకు నెల రోజులపాటు అదనంగా 5జీబీ డేటాను ఇవ్వనున్నట్టు ప్రకటించింది. అయితే, ఈ ఆఫర్ జనవరి 15 వరకు మాత్రమే అందుబాటులో ఉంటుంది. అదనంగా వచ్చే డేటా 30 రోజులపాటు, లేదంటే ప్రస్తుత ప్లాన్ కాలపరిమితి ముగిసే వరకు అందుబాటులో ఉంటుందని బీఎస్ఎన్ఎల్ తెలిపింది.
బీఎస్ఎన్లోకి మారాలనుకునే వినియోగదారులకు కొన్ని కండిషన్లు కూడా పెట్టింది. బీఎస్ఎన్ఎల్లోకి ఎందుకు మారుతున్నదీ సామాజిక మాధ్యమాల్లో కారణం చెప్పాల్సి ఉంటుంది. #SwitchToBSNL హ్యాష్టాగ్ను ట్విట్టర్, ఫేస్బుక్లో షేర్ చేయాలి. బీఎస్ఎన్ఎల్కు మారుతున్న రుజువులను పంపాలి. అలా చేస్తేనే అదనపు ప్రయోజనం లభిస్తుంది.
అంతేకాదు, ఆ తర్వాత కూడా బీఎస్ఎన్ఎల్ సోషల్ మీడియా ప్లాట్ఫామ్స్ను ఫాలో కావాల్సి ఉంటుంది. యూజర్లు తమ ట్వీట్ స్క్రీన్షాట్ను నేరుగా మెసేజ్ ద్వారా కానీ, లేదంటే వాట్సాప్ నంబరు 9457086024లో గానీ షేర్ చేయొచ్చు. బీఎస్ఎన్ఎల్లోకి మారే వినియోగదారులు రీచార్జ్ మొత్తాన్ని చెల్లిస్తే సరిపోతుంది. నంబరు పోర్టుకు చెల్లించాల్సిన పనిలేదు.