పిచ్చికుక్క దాడిలో బాలుడికి గాయాలు

బద్వేలు రూరల్‌,  జూలై 3: స్థానిక 33వ వార్డు లక్ష్మీనరసింహ సినిమా హాలు వెనుకవైపు ఉన్న కాలనీలో ఓ బాలుడిపై ఆదివారం పిచ్చికుక్క దాడి చేసింది. ఘటనలో బా లుడు తీవ్రగాయాల పాలయ్యాడు. ఇదే కుక్క యాదవ నగర్‌లోని మరో మహిళను, రాజుగారి వీధిలో మరొక వ్యక్తిని తీవ్రంగా గాయపరిచినట్లు స్థానికులు తెలిపారు. పిచ్చికుక్క కొంత కాలంగా ఈ ప్రాంతంలో తిరుగుతూ పలువురిపై దాడి చేస్తోందని ఈ సమస్యపై మున్సిపల్‌ అధికారుల దృష్టికి తీసుకువచ్చారు. అయినా వారు ఇంత వరకూ చర్యలు చేపట్టలేదని తెలిపారు. ఇప్పటికైనా మున్సిపల్‌ అధికారులు తక్షణ చర్యలు చేపట్టి పిచ్చి కుక్కను తరిమేయాలని స్థానికులు కోరుతున్నారు. 

ఆరవేటిపల్లెలో నలుగురికి.....

ముద్దనూరు జూలై3:  ఆరవేటిపల్లెలో ఆదివారం నలుగురిపై పిచ్చికుక్కదాడి చేసి గాయపరిచినట్లు సమాచారం. మహదేవనాయుడు, వెంకటరమణ, రామచంద్ర, పెద్దగంగన్నను పిచ్చికుక్కగాయపరచడంతో జమ్మలమడుగు ప్రభుత్వ ఆస్పత్రికి తరలించా రు. మహదేవనాయుడుకు భారీగా గాయాలవడంతో చికిత్స నిమిత్తం ప్రొద్దుటూరు ప్రభుత్వ ఆస్పత్రికి మెరుగైన వైద్యం కోసం రెఫర్‌చేసిట్లు తెలిసింది.