సీపీఎస్, డీఏల మాటేంటి?: బొప్పరాజు

అమరావతి: పీఆర్సీ కోసం ఉద్యమ కార్యాచరణ కొనసాగుతుందని ఉద్యోగ సంఘం నేత బొప్పరాజు స్పష్టం చేశారు. పీఆర్సీ అంటే ఫిట్మెంట్ కాదని.. ఐఆర్ ఇప్పటికే 27 తీసుకుంటున్నామని ఆయన పేర్కొన్నారు. సీఎం దగ్గర చర్చ సందర్భంగా తమ డిమాండ్లు వినిపిస్తామన్నారు. పీఆర్సీ నివేదికలో కాంట్రాక్టు ఉద్యోగులకు ఔట్ సోర్సింగ్‌ వారికి మినిమం పే, టైం స్కేల్ ఇవ్వాలని కోరామని చెప్పారు. పీఆర్సీ నివేదిక నాలుగు వాల్యూమ్‌లు పెట్టలేదని, పాక్షికంగానే ఆన్‌లైన్‌లో ఉంచారని వ్యాఖ్యానించారు. సీపీఎస్, డీఏల విషయంపై ఏమీ మాట్లాడలేదని, ఉద్యోగుల 71 డిమాండ్లపై సీఎం లేదా కమిటీ తమతో చర్చించాలన్నారు. ఉద్యమానికి 9 మందితో స్ట్రగుల్‌ కమిటీని ఏర్పాటు చేస్తున్నట్లు బొప్పరాజు తెలిపారు.