భీమ్లానాయక్ను అడ్డుకునేందుకు జూమ్లానాయక్ జగన్ యత్నం: BJP Leader
ABN , First Publish Date - 2022-02-25T15:19:22+05:30 IST
భీమ్లా నాయక్ పవన్ను రాష్ట్రంలో అడ్డుకోవాలని జూమ్లా నాయక్ జగన్ విశ్వప్రయత్నం చేస్తున్నారని బీజేపీ నేత లంకా దినకర్ విమర్శలు గుప్పించారు.
అమరావతి: భీమ్లా నాయక్ పవన్ను రాష్ట్రంలో అడ్డుకోవాలని జూమ్లా నాయక్ జగన్ విశ్వప్రయత్నం చేస్తున్నారని బీజేపీ నేత లంకా దినకర్ విమర్శలు గుప్పించారు. రాష్ట్రంలో ప్రభుత్వం మద్యం కొట్టు, చికెన్ కొట్టు, మటన్ కొట్టు, చేపల కొట్టుతో మొదలు పెట్టి సినిమా టికెట్ల వరకు వచ్చారని అన్నారు.. రెవిన్యూ అధికారుల విలువైన సమయం సినిమా థియేటర్ల బాత్ రూమ్లకి అంకితం చేసిన ఘనత సీఎం జగన్ సాధించారని యెద్దేవా చేశారు. సినిమా పెద్దలకు బడ్జెట్ని బట్టి టికెట్ ధరల నిర్ణయం జీఓ ఇస్తామని అని జూటా హామీ ఇచ్చారా? అని ప్రశ్నించారు. పవన్ కళ్యాణ్ సినిమా భీమ్లా నాయక్ కోసం ఇంత ప్రహసనం అవసరమా? పాలకుడు అందరిని సమానంగా చూడాలని హితవుపలికారు. నిజంగా రాష్ట్ర ప్రభుత్వానికి కమిట్మెంట్ ఉంటే టీటీడీ భారీగా పెంచిన స్వామివారి సేవల టిక్కెట్ల ధరలు తగ్గించాలని లంకా దినకర్ డిమాండ్ చేశారు.