బిలియనీర్లు మాత్రమే ఈ ‘మందు’ను కొనగలరు...

లండన్ : ‘జోల్జెన్‌స్మా.’... ప్రపంచంలో అత్యంత ఖరీదైన ఔషధమిదే. దీనిని... అత్యంత అరుదైన ‘స్పైన‌ల్ మ‌స్క్యులార్ అట్రోపి(ఎస్ఎంఏ)’ అనే అరుదైన వ్యాధి చికిత్సలో వినియోగిస్తారు. ఈ వ్యాధి చిన్న‌పిల్ల‌ల‌కు వ‌స్తుంది.  ఈ వ్యాధి సోకిన పిల్ల‌ల్లో ప‌క్ష‌వాతం, కండ‌రాలు, ముఖ్య‌మైన అవ‌యాలు ప‌నిచేయ‌క‌పోవ‌డం వంటివి జ‌రుగుతుంది.  కొన్నాళ్ల‌కు మ‌ర‌ణించే అవ‌కాశముంటుంది.   

అందుకే ఈ వ్యాధిసోకిన పిల్ల‌ల‌పై త‌ల్లిదండ్రులు ఆశ‌లు వ‌దిలేసుకుంటుంటారు. కాగా... ప్ర‌ముఖ ఫార్మా దిగ్గ‌జం నోవార్టిస్ సంస్థ... ఈ జోల్జెన్‌స్మా మెడిసిన్‌ను త‌యారు చేస్తుంది.  ఈ మందు  డోసు విలువ అక్ష‌రాలా రూ. 18.20 కోట్లు.  అయితే ఈ మెడిసిన్ తీసుకున్న తర్వాత కూడా... పిల్ల‌లకు వ్యాధి పూర్తిగా న‌యమవుతుందని చెప్పడం క‌ష్టమే.  డోస్ తీసుకుంటే వెంటిలేట‌ర్ సహాయం లేకుండా శ్వాస తీసుకోవ‌డం, మెల్లగా పాక‌డం, న‌డ‌వ‌డం వంటివి చేస్తుంటారు.