ఒంటెల పండుగ!
ABN , First Publish Date - 2020-11-22T05:30:00+05:30 IST
‘ఎడారి ఓడ’ అని దేనిని అంటారు? అని అడిగితే ఒంటె అని ఠక్కున సమాధానం చెబుతారు. మరి ఆ ఎడారి ఓడల పండుగ ఎక్కడ జరుగుతుందో తెలుసా? ...
‘ఎడారి ఓడ’ అని దేనిని అంటారు? అని అడిగితే ఒంటె అని ఠక్కున సమాధానం చెబుతారు. మరి ఆ ఎడారి ఓడల పండుగ ఎక్కడ జరుగుతుందో తెలుసా?
- రాజస్థాన్లోని అజ్మీర్ సమీపంలో ఉన్న పుష్కర్ అనే చిన్న పట్టణంలో ఏటా నవంబర్ మాసంలో క్యామెల్ ఫెస్టివల్ జరుపుకొంటారు. ఈ పండుగకు ‘పుష్కర్ ఫెస్టివల్’ అని కూడా పేరు.
- ఈ వేడుకను చూడటానికి ఇతర దేశాల నుంచి పర్యాటకులు వస్తుంటారు. రాజస్థాన్ సంస్కృతి, సంప్రదాయాలను చాటి చెప్పడానికి పర్యాటక శాఖ ఈ ఫెస్టివల్ను నిర్వహిస్తూ ఉంటుంది.
- ఈరోజు నుంచి నవంబర్ 30వ తేదీ వరకు రకరకాల కార్యక్రమాలు, నృత్యాలు, టగ్ ఆఫ్ వార్, ఒంటెల పరుగు పందేలు నిర్వహిస్తారు.
- హిందువులు ఎంతో పవిత్రమైనదిగా భావించే పుష్కర్ సరస్సు ఇక్కడే ఉంది. అందుకే ఇక్కడ జరిగే వేడుకకు పుష్కర్ ఫెస్టివల్ అని పేరు వచ్చింది.