Abn logo
Feb 24 2021 @ 15:00PM

భారతీయురాలికి ప్రముఖ అమెరికన్ పురస్కారం !

వాషింగ్టన్: అమెరికాలోని జో బైడెన్ అడ్మినిస్ట్రేషన్ ఆ దేశ ప్రముఖ పురస్కారానికి భారతీయ సామాజిక కార్యకర్త అంజలి భరద్వాజ్ పేరును సిఫార్సు చేసింది. పారదర్శకత, జవాబుదారీతనం సమస్యలపై పనిచేస్తున్న అంజలికి అమెరికా సర్కార్ అంతర్జాతీయ అవినీతి నిరోధక ఛాంపియన్స్ అవార్డుకు ఎంపిక చేసింది. మొత్తం 12 మందికి ఈ పురస్కారానికి ఎంపిక చేయగా, అందులో అంజలి కూడా ఒకరు. 48 ఏళ్ల అంజలి రెండు దశాబ్దాలుగా భారతదేశంలో సమాచార హక్కు ఉద్యమంలో క్రియాశీల సభ్యురాలిగా కొనసాగుతున్నారని ఈ సందర్భంగా స్టేట్ డిపార్ట్‌మెంట్ పేర్కొంది.


అలాగే ఈ అవార్డును ఎవరైతే ప్రతికూల పరిస్థితుల్లో పారదర్శకతను కాపాడుతూ అవినీతిని ఎదుర్కోవటానికి వారి సొంత దేశాలలో జవాబుదారీతనం కోసం పనిచేస్తారో వారికి ఉద్దేశించబడిందని తెలియజేసింది. అందుకే గత కొన్నేళ్లుగా ఇండియాలో పారదర్శకత, జవాబుదారీతనం, అవినీతి నిరోధక  సమస్యలపై పోరాడుతున్న అంజలిని ఈ పురస్కారానికి ఎంపిక చేసినట్లు అమెరికా విదేశాంగ కార్యదర్శి టోనీ బ్లింకెన్ మంగళవారం వెల్లడించారు. ఇక తనకు ఈ అవార్డు దక్కడం పట్ల అంజలి ఆనందం వ్యక్తం చేశారు. 

Advertisement

తాజా వార్తలుమరిన్ని...

Advertisement
Advertisement