భీమడోలు ఇన్‌చార్జి సీఐ, ఎస్ఐని సస్పెండ్ చేయాలి: Ex MLA గన్ని వీరాంజనేయులు

ABN , First Publish Date - 2022-06-29T03:18:51+05:30 IST

ఏలూరు జిల్లా: అక్రమ కేసులు బనాయిస్తున్న భీమడోలు ఇన్‌చార్జి సీఐ, ఎస్ఐని సస్పెండ్ చేయాలని ఉంగుటూరు మాజీ ఎమ్మెల్యే గన్ని వీరాంజనేయులు డిమాండ్

భీమడోలు ఇన్‌చార్జి సీఐ, ఎస్ఐని సస్పెండ్ చేయాలి: Ex MLA గన్ని వీరాంజనేయులు

ఏలూరు జిల్లా:  అక్రమ కేసులు బనాయిస్తున్న భీమడోలు ఇన్‌చార్జి సీఐ, ఎస్ఐని సస్పెండ్ చేయాలని ఉంగుటూరు మాజీ ఎమ్మెల్యే గన్ని వీరాంజనేయులు డిమాండ్ చేశారు. మాజేష్ కుటుంబ సభ్యులపై దాడి చేసిన పోలీసులపై చర్యలు తీసుకోవాలని ఉంగుటూరు మాజీ ఎమ్మెల్యే గన్ని వీరాంజనేయులు ఆధ్వర్యంలో భీమడోలు తహసీల్దార్ కార్యాలయం వద్ద  టీడీపీ శ్రేణులు ధర్నా చేశాయి. ఇటీవల ఓ హత్య కేసులో భీమడోలు చెందిన టీడీపీ తెలుగు యువత నాయకుడు మాజేష్, అతని సోదరుడు మనోజ్‌ని పోలీసులు అదుపులోకి తీసుకున్నారు. వారిద్దరికి వైద్య పరీక్షల పేరుతో ద్వారకా తిరుమల రోడ్‌లోని మాజేశ్ నర్సరీలోకి తీసుకువెళ్లి, అక్కడ పోలీసులే గంజాయి మూటలుపెట్టి అక్రమంగా గంజాయి కేసు బనాయించాలని చూస్తున్నారని కుటుంబసభ్యులు చెబుతున్నారు. హత్య కేసులో వారిని అరెస్టు చేసినపుడు తాము ఏ అభ్యంతరం చెప్పలేదని, కానీ ఇప్పుడు అక్రమ కేసులు బనాయించడం ఎంతవరకు సమంజసమని ప్రశ్నించారు. మాజేష్, మనోజ్‌పై గంజాయి కేసు పెడితే సహించేది లేదన్నారు.  

Updated Date - 2022-06-29T03:18:51+05:30 IST