దూసుకెళ్లిన భారత్ ఫోర్జ్ కంపెనీ షేర్లు.. 8% ర్యాలీ

Bharat Forge Shares : ప్రస్తుత ఆర్థిక సంవత్సరం జూన్ త్రైమాసికంలో భారత్ ఫోర్జ్ కంపెనీ ఇన్-లైన్ పనితీరును నివేదించింది. దీంతో భారత్ ఫోర్జ్ పరుగులు తీసింది. శుక్రవారం ఇంట్రా-డే(Intra day)లో భారత్ ఫోర్జ్ షేర్లు 8 శాతం ర్యాలీ చేసి రూ. 796.55కి చేరుకున్నాయి. స్టాండ్‌లోన్ ఆదాయం 5.1 శాతం పెరిగి వరుసగా రూ. 1,759 కోట్లకు చేరుకుంది. గత ఒక నెలలో స్టాక్ 25 శాతం పెరిగి మార్కెట్‌తో పోలిస్తే అవుట్ పెర్ఫార్మ్ చేసింది. ఎస్అండ్‌పీ బీఎస్ఈ సెన్సెక్స్‌లో 10 శాతం పెరిగింది. 

గత ఒక సంవత్సరంలో స్టాక్ 4 శాతం పడిపోయి బలహీనంగా ఉంది. బెంచ్‌మార్క్ ఇండెక్స్‌(Benchmark Index)లో 8 శాతం ర్యాలీ చేసింది. నవంబర్ 10, 2021న ఈ స్టాక్ రికార్డు స్థాయిలో రూ.848కి చేరుకుంది. అంతర్జాతీయ కార్యకలాపాల ద్వారానే ఈ త్రైమాసికంలో ఇంత ఆదాయ వృద్ధి సాధ్యమైందని కంపెనీ తెలిపింది. కంపెనీ ఆదాయం త్రైమాసికంగా 11.5 శాతం పెరిగి రూ. 1,048 కోట్లకు చేరుకుంది. త్రైమాసికంలో MHCV ఉత్పత్తి క్షీణించడంతో దేశీయ ఆదాయం త్రైమాసికంగా 3.7 శాతం తగ్గి రూ.690 కోట్లకు చేరుకుంది.