Abn logo

బీట్‌రూట్‌ కబాబ్‌

చలి రోజురోజుకు  పెరుగుతున్న ఈ సమయంలో వేడి వేడి రుచులను ఆస్వాదించాలని ప్రతీ ఒక్కరికీ ఉంటుంది. చలిని పారదోలడంతో పాటు మీ జిహ్వ చాపల్యాన్ని తీర్చే అలాంటి రెసిపీలు ఇవి. మరి మీరూ ఈ వారం వీటిని టేస్ట్‌ చేయండి.


కావలసినవి: బీట్‌రూట్‌ తురుము - ఒకకప్పు, టోఫు - అర ప్యాకెట్‌, వెల్లుల్లి పేస్టు - అర టేబుల్‌స్పూన్‌, మామిడికాయ పొడి - ఒక టేబుల్‌స్పూన్‌, దానిమ్మగింజల పొడి - ఒక టేబుల్‌స్పూన్‌, ఛాట్‌మసాలా - చిటికెడు, ఉప్పు - రుచికి తగినంత, జీడిపప్పు - పావు కప్పు, ఓట్స్‌ - అరకప్పు, నూనె - సరిపడా.


తయారీ విధానం: ఒక పాత్రలో బీట్‌రూట్‌ తురుము తీసుకుని అందులో టోఫు, వెల్లుల్లి పేస్టు, మామిడికాయ పొడి, ఛాట్‌ మసాలా, దానిమ్మగింజల పొడి, తగినంత ఉప్పు వేసి కలపాలి. మిశ్రమాన్ని కొద్దిగా తీసుకుని పూరీలా కొద్దిగా వెడల్పులా చేసుకోవాలి. మధ్యలో జీడిపప్పు పలుకులు పెట్టి కబాబ్‌లుగా ఒత్తుకోవాలి. ఒక ప్లేట్‌లో ఓట్స్‌ తీసుకుని చేతులతో రబ్‌ చేయాలి. కబాబ్‌లకు ఓట్స్‌ అద్దుకుంటూ నూనెలో వేసి వేగించాలి. గ్రీన్‌ చట్నీతో తింటే బీట్‌రూట్‌ కబాబ్‌లు చాలా రుచిగా ఉంటాయి.



కొత్తిమీర వడలుఓట్స్‌ చిల్లాపొట్టిక్కలుమొలకల వడపండుమిర్చి - చికెన్‌ ఫ్రైపండుమిర్చి ఫ్రైడ్‌ రైస్‌పాలకూర - కొత్తిమీర దోశసోయా దోశపనసపండు దోశసేమ్యా ఉప్మా
Advertisement
Advertisement