అమ్మాయి అనుకుని స్నేహం చేశాడు.. రూమ్‌కు పిలిచినపుడు వెళితే ఆ యువకుడికి ఎదురైన షాకింగ్ అనుభవం ఏంటంటే..

ఆ యువకుడికి డేటింగ్ యాప్ ద్వారా ఓ యువతి పరిచయమైంది.. ఇద్దరి మధ్యా స్నేహం పెరిగింది.. ఫోన్ నెంబర్లు మార్చుకుని ఇద్దరూ తరచుగా మాట్లాడుకునేవారు.. ఈ క్రమంలో ఆ యువకుడిని ఆమె తన రూమ్‌కు పిలిచింది.. తీరా అక్కడకు వెళ్లి చూసి యువకుడు షాకయ్యాడు.. ఎందుకంటే ఆమె యువతి కాదు.. ఓ నపుంసకుడు. ఆ నపుంసకుడు యువకుడిని బంధించి డబ్బులు, బంగారం దోచుకున్నాడు. అసభ్యకర వీడియోలు తీసి బ్లాక్‌మెయిల్ చేయడం ప్రారంభించాడు. దీంతో ఆ యవకుడు పోలీసులను ఆశ్రయించాడు. 

దేశ రాజధాని ఢిల్లీలోని దక్షిణ జిల్లాలో ఓ నపుంసకుడు డేటింగ్ యాప్ ద్వారా హీనా ఖాన్ పేరుతో ఓ యువకుడిని ట్రాప్ చేసి బ్లాక్ మెయిల్ చేయడం మొదలుపెట్టాడు. నపుంసకుడు డేటింగ్ యాప్ ద్వారా ఓ యువకుడితో స్నేహం చేసి, తన రూమ్‌కు పిలిచాడు. ఆ రూమ్‌లో మరో నపుంసకుడితో కలిసి బాధిత యువకుడిని బంధించి అతడి బంగారం, డబ్బులు, ఫోన్ దోచుకున్నాడు. 

అనంతరం ఆ యువకుడిని నగ్నంగా మార్చి అసభ్యకర వీడియోలు తీసి బ్లాక్ మెయిల్ చేయడం ప్రారంభించాడు. వారి బారి నుంచి తప్పించుకున్న బాధితుడు పోలీసులను ఆశ్రయించాడు. కేసు నమోదు చేసుకున్న పోలీసులు నిందితులను అదుపులోకి తీసుకున్నారు. నిందితుల నుంచి బాధితుడి వస్తువులను స్వాధీనం చేసుకున్నారు.